“Gjatë këtij viti Mbretëria e Bashkuar pret përparim në dialog”

Ministri i Shtetit i Mbretërisë së Bashkuar për Evropën dhe Amerikën e Veriut, James Cleverly, ka pritur në takim të martën zëvendëskryeministrin e parë të Kosovës, Besnik Bislimi, me ç’rast kanë diskutuar për dialogun Kosovë-Serbi.

Takimin me Bislimin, e ka njoftuar vetë Cleverly përmes një postimi në rrjetin e tij social në Twitter, ku mes tjerash ka shkruar se Mbretëria e Bashkuar pret përparim në çështjen e dialogut, gjatë këtij viti.

“U takova sot me Bislimin, për të diskutuar sigurinë rajonale të Ballkanit Perëndimor, perspektivat për dialogun Kosovë-Serbi dhe integrimin ndërkombëtar të Kosovës. Mbretëria e Bashkuar dhe Kosova kanë qenë gjithmonë miq të fortë. Mezi presim të shohim progres në dialog këtë vit”, ka shkruar Cleverly në Twitter.

I met 🇽🇰 DPM @BislimiBesnik today to discuss Western Balkans regional security, prospects for Kosovo-Serbia dialogue & Kosovo’s international integration.

The UK 🇬🇧 and Kosovo 🇽🇰 have always been strong friends. Looking forward to seeing progress in the Dialogue this year. pic.twitter.com/b6x5eZGFse

— James Cleverly🇬🇧 (@JamesCleverly) May 10, 2022

Takimin në fjalë e ka njoftuar edhe Bislimi, nëpërmjet një cicërime në rrjetin e tij social në Twitter, ku ka falënderuar ministrin britanik për mikpritjen bujare dhe bisedën e frytshme.

“Mbretëria e Bashkuar dhe Kosova përfitojnë nga një partneritet i ngushtë. Mezi pres të punojmë së bashku për të forcuar më tej këtë partneritet”, ka shkruar Bislimi, pa dhënë shumë detaje.

Thank you for the generous hospitality and the fruitful conversation.

🇬🇧 and 🇽🇰 benefit from a close partnership. I look forward to working together into strengthening this partnership further. https://t.co/titWgDqzKb

— Besnik Bislimi (@BislimiBesnik) May 10, 2022

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.