Futbollisti kryesor i Napolit, Victor Osimhen, nuk pritet që të luajë në ndeshjen e rëndësishme që skuadra e tij e zhvillon të mërkurën mbrëma kundër Liverpool-it, në kuadër të takimit të parë të grupeve në Ligën e Kampionëve.
Gjatë ditës së sotme (e marte), ai është parë duke u stërvitur i veçuar nga grupi dhe duket që pak ka gjasa që të paraqitet në ndeshjen hapëse të sezonit të ri në Ligën e Kampionëve.
Sulmuesi nigerian kishte pësuar një dëmtim të lehtë muskulor në ndeshjen që Napoli e fitoi ndaj Lazio-s në udhëtim të shtunën mbrëma në “Stadio Olimpico”.
Se a do të paraqitet futbollisti më në formë i Napolit, apo jo, këtë do ta mësojë trajneri Luciano Spalletti në konferencën për media.
#Napoli con il fiato sospeso: #Osimhen non si allena, ce la farà per il #Liverpool? https://t.co/1eKkDjEOUV
— La Gazzetta dello Sport (@Gazzetta_it) September 6, 2022
Sipas “La Gazzetta dello Sport”, Osimhen dëshiron të luajë, por stafi mjekësor i Napolit nuk dëshiron të rrezikojë një dëmtim më të rëndë.
“Ai ka një problem të vogël me aduktorin e tij, por nuk ka plagë”, tha drejtori i Napolit, Giuntoli këtë mëngjes.
“Ai dhe stafi mjekësor duhet të vendosin se çfarë të bëjnë kundër Liverpool-it”.
Hirving Lozano do të jetë në dispozicion nesër, ndërsa Giacomo Raspadori është favorit ndaj Giovanni Simeone-s, nëse Osimhen nuk do të luajë në këtë ndeshje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Megaoperacioni i SPAK: Goditen 7 grupe kriminale, 50 urdhër-arreste dhe 4.5 milionë euro të sekuestruara
-
Hasani nga Estonia: Shqipëria, qëndrim të palëkundur në mbrojtje të Ukrainës
-
Kievi njofton se 10 mijë njerëz u evakuuan nga rajoni i Kharkiv
-
Komandanti i KFOR-it: Ngjarjet e vitit të kaluar në Kosovë cenuan sigurinë e rajonit