Kombëtarja e Serbisë në futboll, ka arritur një kualifikim historik në Kupën e Botës, duke mposhtur Portugalinë në udhëtim me rezultat 1:2, në ndeshjen e fundit kualifikuese.
Pas ndeshjes, futbollistët serbë festuan, por nuk munguan as provokimet politike nga ana e tyre.
Tre nga lojtarët e përfaqësuese serbe, provokuan duke ngritur tre gishtat dhe duke bartur nga një fanellë që ishte bashkangjitur një hartë që e paraqet Kosovën dhe Malin e Zi si pjesë të Serbisë.
Në ato fanella, gjithashtu shkruhej kënga nacionaliste serbe, e cila ishte himni i protestave të kishës në Mal të Zi, ku këndohet “le të valëvitet flamuri serb nga Prizreni (Kosovë) deri në Rumijë (Mali i Zi)”.
Serbian football players wearing official @FSSrbije t-shirts featuring name of the irredentist nationalist song which was the anthem of the church protests in Montenegro. The song goes “let the Serbian flag wave all the way from Prizren (Kosovo) to Rumija (Montenegro)”. pic.twitter.com/MDvq9IcXv0
— Ljubomir Filipović (@ljubofil) November 15, 2021
Pas këtyre gjesteve provokuese nga ana e serbëve, pritet ndonjë reagim nga FIFA, pasi që kualifikueset e Kupës së Botës, organizohen nën patronazhin e shtëpisë së futbollit botëror.
Sa i përket ndeshjes, Serbia deri në fund ishte duke barazuar me rezultat 1:1 përballë Portugalisë, rezultat ky i cili nuk i dërgonte direkt në Kupën e Botës.
Por në minutën e fundit të takimit, Aleksandar Mitrovic i dha avantazhin serbëve, duke arritur një kualifikim direkt në Katar.
Derisa Portugalia mbetet ta kërkojë kualifikimin përmes ndeshjeve të play-off-it.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Megaoperacioni i SPAK: Goditen 7 grupe kriminale, 50 urdhër-arreste dhe 4.5 milionë euro të sekuestruara
-
Hasani nga Estonia: Shqipëria, qëndrim të palëkundur në mbrojtje të Ukrainës
-
Izraeli po e torturon Marwan Barghoutin, Mandela palestinez tashmë nuk njihet
-
Komandanti i KFOR-it: Ngjarjet e vitit të kaluar në Kosovë cenuan sigurinë e rajonit