Jemi në vitin 1926. Ora shënon 17:40.
31 tetori do të shënjonte një atentat të radhës në drejtim të Benito Musolinit (ish-diktatorit italian).
Makina e tij e hapur (cabriolet) hyri në Kantonin dei Fiori, kryqëzimi midis rrugës Rizzoli dhe rrugës së Pavarësisë.
Duçe, i cili u kishte mbijetuar dy sulmeve të tjera që nga fillimi i vitit, ishte i padëmtuar.
Ata panë togerin e këmbësorisë Carlo Alberto Pasolini teksa ngërthente një djalë duke u hedhur mbi të.
Kjo u pasua nga një dhunë e paprecedentë, e cila u ndal vetëm kur në trotuar po dergjej trupi i torturuar i 15-vjeçarit, Anteo Zamboni.
Babai i tij ishte ish-anarkisti Mammolo Zamboni. Jo vetëm, tezja e Anteo-s ishte antifashistja e njohur, Virginia Tabarroni.
Kaq mjaftoi për të mbyllur çështjen me një dënim prej tridhjetë vitesh burgim për dy të rriturit dhe pesë vite burg për vëllezërit më të mëdhenj të Anteo-s, Ludovico-n dhe Assunto-n, të cilët konsideroheshin si “potencialisht të rrezikshëm”.
Anteo njihet në Itali si “partizani i parë” ose “fëmija anarkist”. Por, ende sot e kësaj dite ka shumë dyshime rreth atentatit të 31 tetorit.
Për shembull, as nuk dihet me siguri nëse ai e ka tërhequr në të vërtetë këmbëzën.
Dëshmia e toger Pasolinit mund të përmblidhet në fjalinë: “Më kanë gjuajtur mbi shpatullën e majtë, jam kthyer dhe pashë Zambonin me pistoletë”.
Pra, askush nuk mundi të konstatonte nëse Anteo e kishte përdorur vërtet armën apo vetëm sa e mbante në dorë.
Për më tepër, linçimi i tij i menjëhershëm ngrinte një dyshim tjetër për kohën.
Libra, rrugë dhe shfaqje teatrale i janë kushtuar Anteo Zamboni-t, por në internet gjenden vetëm tre foto të tij: një në moshën shtatë-vjeçare dhe dy pas vdekjes.
E pamundur të njohësh fëmijën në trupin e adoleshentit të gjymtuar nga goditjet dhe therjet.
Në vitin 1926 i vetmi që përçmoi publikisht fundin mizor të Zamboni-t ishte pikërisht Duçe që e përcaktoi linçimin e djalit si “një akt barbar”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Fituesi i “Eurovision 2024”, Nemo i kërkon Zvicrës të njohë gjininë e tretë
-
Meghan Markle “terrorizohet” nga dokumentari që pritet të sjellë në pah të kaluarën e saj
-
Me “Hit Me Hard and Soft”, Billie Eilish po vazhdon t’i bëjë gjërat në mënyrën e saj
-
Magjia e kryeveprave botërore mbështjell skenën e Chopin Piano Festival
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit