Numrin 10 në fanellën e Barcelonës, që kanë mbajtur legjenda si: Messi, Ronaldiniho, Rivaldo, tani e ka mundësinë që ta veshë braziliani, Phelippe Coutinho.
Sipas “Mundo Deportivo”, klubi i Barcelonës, ia ka ofruar numrin 10 Coutinho-s, i cili duket se tani bën pjesë në planet e trajnerit Ronald Koeman.
Pavarësisht raportimeve se Coutinho pritej të largohej nga Barcelona në këtë afat kalimtar veror, si duket ai do të qëndrojë.
Coutinho erdhi nga Liverpool-i te Barcelona në janarin e vitit 2018 për shumën 135 milionë eurove.
Mirëpo, braziliani nuk arriti kurrë të shfaqë formën që dikur kishte te Liverpool, andaj në verën e vitit 2019 u huazua te skuadra e Bayern Munich për shumën e 8.5 milionë eurove.
Për Coutinho-n flitej se mund të kalonte te skuadra e Arsenal-it, si pjesë e shkëmbimit me Alexandre Lacazetten ose Pierre-Emerick Aubameyang, por ai do të luajë në “Camp Nou” të paktën edhe për sezonin e ardhshëm.
Kujtojmë që Coutinho ka realizuar 90 paraqitje me Barçën në të gjitha garat, prej të cilave ka realizuar 24 gola.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Cameron në Shqipëri, shpalos programin për të luftuar korrupsionin dhe krimin e organizuar
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Polonia do të shpenzojë 2.3 miliardë euro për sigurinë e kufirit me Rusinë dhe Bjellorusinë
-
Nënsekretarja amerikane: Me Osmanin diskutuam për udhëtimin euroatlantik të Kosovës përmes Asociacionit
