Ambasadorja Kim ‘kritikon’ Metën për kërcënimet ndaj drejtësisë: Të fortët shqetësohen sepse s’janë më të paprekshëm
Ambasadorja e SHBA-ve në Shqipëri, Yuri Kim, ka komentuar nëpërmjet një statusi në median sociale Twitter situatën e fundit të krijuar në drejtësinë shqiptare, mbi hetimin e nisur nga ana e Prokurorisë së Posaçme SPAK, kundrejt ish-President të Republikës, Ilir Meta, i kallëzuar penalisht për korrupsion nga ish-deputeti Halit Valteri.
Pas lajmit se Meta po hetohet nga SPAK, kreu i Partisë së Lirisë, akuzoi ashpër drejtuesin e SPAK-ut, Arben Kraja, se është një “spurdhjak partie”.
“Kërcënimet për gjykatësit dhe prokurorët apo përpjekjet e tjera për të ndalur reformën në drejtësi, nuk duhet të pranohen më si normale”, shkruan Kim, duke theksuar se “kjo sjellje nuk i përket një vendi anëtar të NATO-s, i cili ka hapur edhe negociatat me Bashkimin Evropian dhe ndodhet në një nga ulëset e Këshillit të Sigurimit të OKB-së”.
1/2 Threats & inducements for prosecutors & judges – & other efforts to derail justice reform in 🇦🇱 – should not be accepted as “normal” anymore. This behavior does not belong in a country that is in NATO, has opened negotiations for 🇪🇺 membership, & sits on UN Security Council.
— Ambassador Yuri Kim (@USAmbAlbania) August 24, 2022
Më tej, Kim e ashpërson edhe më shumë gjuhën e saj, duke shkruar se për shumë gjatë, të pasurit dhe të fortët kanë besuar se janë të paprekshëm.
Mirëpo tanimë, sipas saj, ata janë të shqetësuar se paprekshmërisë së tyre i ka ardhur fundi.
“Teksa reforma në drejtësi po implementohet dhe prodhon sa vjen e më shumë rezultate, do të bëhet e qartë e më e qartë se ashkush – askush – nuk është mbi ligjin”, përmbyll Kim komentin e saj.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gati për konsultim publik Plani i Menaxhimit për Parkun Kombëtar të Vjosës, thotë Rama
-
Escobar: Opozita të gjejë rrugën e saj, mos të drejtohet nga dikush që na kujton kohët e vështira
-
U zbuluan nga megaoperacioni i SPAK, përjashtohen nga Policia e Shtetit dy efektivë të lidhur me bandat
-
Projekt pilot për pagesat elektronike, Rama: Eviton evazionin nga bizneset