Presidentja e Kosovës, Vjosa Osmani, në kuadër të konferencës kryesore globale për ndryshime klimatike (COP28) në Dubai të Emirateve të Bashkuara Arabe, ka zhvilluar një takim me presidentin e Kenias, William Ruto, ku kanë diskutuar për thellimin e raporteve ndërmjet dy shteteve.
“Në takim u diskutua për raportet dypalëshe Kosovë-Kenia si dhe zhvillimin e mëtejmë të tyre. Presidentja Osmani ka theksuar se thellimi i raporteve në mes të dy shteteve është në të mirë të qytetarëve tanë dhe do ta nxisë shkëmbimin ekonomik e tregtar në mes të vendeve tona”, thuhet në njoftim.
Shteti i Kenias ka shprehur gatishmërinë për të njohur pavarësinë e Kosovës kohën e fundit. Ministri i Jashtëm i Kenias, Alfred Mutuar, gjatë një konference për media në Nairobi në shtator, ka konfirmuar se ekzekutivi është duke shqyrtuar mundësinë e njohjes së pavarësinë e Kosovës.
Ky nuk është takimi i parë midis Osmanit dhe Rutos. Dy udhëheqësit ishin takuar në margjinat e Asamblesë së Përgjithshme të Organizatës së Kombeve të Bashkuara (OKB) në Nju Jork të Shteteve të Bashkuara të Amerikës (SHBA), ku edhe ishin zotuar për thellimin e marrëdhënieve bilaterale.
Osmani gjatë ditës ka takuar edhe presidentin e Emirateve të Bashkuara Arabe, Sheik Mohamed bin Zayed Al Nahyan, ku është biseduar për zgjerimin e bashkëpunimit mes dy vendeve, veçamërisht në rritjen e investimeve në energji, shëndetësi, turizëm dhe sektorë strategjikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ushtria izraelite bombardon një shtëpi në Rafah, vdesin 2 persona
-
Kurti s’po guxon ta dërgojë draftstatutin e Asociacionit në Kushtetuese, thotë Haziri
-
Digjitalizimi i FSHF/ Duka takim pune me ekspertë nga Federata e Futbollit të Arabisë Saudite
-
Hovenier viziton në Leposaviq ushtarët amerikanë të KFOR-it
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Varshava do të shpenzojë 2.3 miliardë për të forcuar kufirin e saj me Ukrainën
-
Kurti s’po guxon ta dërgojë draftstatutin e Asociacionit në Kushtetuese, thotë Haziri