Kryeministri i Shqipërisë, njëherësh dhe kryetari i Partisë Socialiste (PS), Edi Rama, të enjten e 1 prillit, nga qyteti i Rrogozhinës, ka zbuluar mesazhin që i ka dërguar kryeministri i Kosovës, Albin Kurti.
“Më çoi një mesazh kryeministri i Kosovës, Albin Kurti, duke më falënderuar, e duke më kërkuar që, meqë ata morën vaksina për mjekët, do dëshironte që ne ta ndihmonim për mësuesit”, ka thënë Rama.
Ai është shprehur i gatshëm për të ndihmuar në vaksinimin e mësuesve në Kosovë.
“Kemi rritur ndjeshëm eksportin”
Kryeministri ka deklaruar se, Shqipëria “ka rritur ndjeshëm eksportet” e prodhimeve vendas. Ai ka zhvilluar një takim me fermerët, me të cilët ka biseduar për mbështetjen e deritanishme të qeverisë, në sektorin e bujqësisë.
“Në Shqipëri, në 2013, punoheshin afro 1225 mijë hektarë, sot jemi 250 mijë”, ka thënë Rama, duke krahasuar gjithashtu dhe shifrat e eksportit dhe importit.
“Para shtatë viteve, Shqipëria importonte shtatë dhe eksportonte një. Ndërsa sot importohen tre dhe eksportohet një”, ka shprehur Rama.
Gjithashtu, kryeministri i është drejtuar opozitës, duke i cilësuar si “anti-shtet” dhe “të turpshme” veprimet që kundërshtari i tij bën në fushatë.
“Ata janë anti-shteti, rrumpalla, ata janë paaftësia dhe dëmi që i rri mbi kërcënim Shqipërisë. Ajo që po bën Basha bashkë me ata që organizojnë ato dasma pa nuse, është e turpshme, një rrumpallë kriminale, pasi ato janë vatra infektimi”, ka thënë Rama.
Ndërsa, presidentin e vendit, Ilir Meta, ish- kryeministrin Sali Berisha dhe kryetaren e Lëvizjes Socialiste për Integrim, Monika Kryemadhin, i ka cilësuar si “armiq të Reformës në Drejtësi”.
Prezent ishte dhe kryetari i Bashkisë Tiranë, si dhe zëvendësministri i Infrastrukturës dhe Energjisë, Etien Xhafaj.
Si vijim të takimeve të tij, në Rrogozhinë, Rama, bashkë me ministren e Shëndetësisë dhe Mbrojtjes Sociale, Ogerta Manastirliu, ka vëzhguar qendrën e vaksinimit masiv.
Gjithashtu, ka inspektuar dhe procesin e rindërtimit të banesave që u dëmtuan nga tërmeti i 26 nëntorit, të 2019-së.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Dhërmi/ Ranë në kontakt me rrymën elektrike, ndërron jetë pronari i hotelit dhe dy punonjës në gjendje të rëndë
-
Mbi 16 mijë fluturime janë menaxhuar nga Albcontrol në gjysmën e majit
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Hasani nga Estonia: Shqipëria, qëndrim të palëkundur në mbrojtje të Ukrainës
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit