Përfaqësuesja Speciale e Sekretarit të Përgjithshëm dhe Shefja e UNMIK-ut Caroline Ziadeh wshtw takuar me Komandantin e ri të KFOR-it, gjeneralmajor Ozkan Ulutas.
Sipas njoftimit për media, Ziadeh dhe gjeneralmajori Ulutas theksuan nevojën e vazhdueshme për bashkëpunim të fortë ndërmjet UNMIK-ut dhe KFOR-it në përpjekjet e tyre të përbashkëta për të ruajtur paqen dhe stabilitetin në Kosovë, duke vepruar brenda kornizës së rezolutës 1244 të Këshillit të Sigurimit.
Ndryshe, muajin e kaluar Ziadeh gjatë raportimit të saj për Kosovën në Këshillin e Sigurimit të OKB-së, ka thënë se dështimi në arritjen e një kompromisi politik do të vazhdojë që të ndikojë negativisht në mirëqenën e qytetarëve, derisa ka kërkuar që Asociacioni i Komunave me Shumicë Serbe të themelohet pa vonesa.
“Të dyja palët t’i implementojnë marrëveshjet e arritura në dialog dhe të punojnë në themelimin e Asociacionit të Komunave me Shumicë Serbe, pa vonesa dhe parakushte”, theksoi ajo.
Ajo ka theksuar se vonesa në implementimin e marrëveshjeve të dialogut ka quar në shtyrjen e një konference të donatorëve të BE-së të paraparë në aneksin e implementimit që do mund të tërhiqte mbështetje ekonomike dhe mundësi investimesh.
Që nga miratimi i Rezolutës 1244 të Këshillit të Sigurimit të OKB-së më 10 qershor 1999, ky organ ka diskutuar për Kosovën katër herë në vit deri në vitin 2018.
Në vitin 2019 janë mbajtur tri seanca të Këshillit të Sigurimit të OKB-së për Kosovën, ndërsa nga viti 2020 mbahen nga dy seanca në vit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
SPAK zbardh skemën: Grupi i Ervis Martinajt aleancë me Arben Ndokën dhe Emiljano Shullazin për të eliminuar Durim Bamin
-
Komandanti i KFOR-it: Ngjarjet e vitit të kaluar në Kosovë cenuan sigurinë e rajonit
-
Megaoperacioni i SPAK: Goditen 7 grupe kriminale, 50 urdhër-arreste dhe 4.5 milionë euro të sekuestruara
-
Çitaku: Kuvendi duhet të shpërndahet gjatë muajit maj – të hapet rruga për zgjedhjeve të parakohshme
Lajmet kryesore
-
Megaoperacioni i SPAK: Goditen 7 grupe kriminale, 50 urdhër-arreste dhe 4.5 milionë euro të sekuestruara
-
Hasani takim me Kaja Kallas: Diskutime për forcimin e marrëdhënieve dypalëshe
-
Kievi njofton se 10 mijë njerëz u evakuuan nga rajoni i Kharkiv
-
Komandanti i KFOR-it: Ngjarjet e vitit të kaluar në Kosovë cenuan sigurinë e rajonit