Grupi i tifozëve të Crvena Zvezdas, Delije, të mërkurën gjatë ndeshjes së Ligës së Kampionëve kundër Young Boysit kanë “nderuar” sulmuesin e vrarë në Banjë të Zveçanit më 24 shtator, Stefan Nedeljkoviç.
Nedeljkoviç ishte tifoz i madh i klubit të Beogradit, por edhe bashkëpunëtor dhe “dora e djathtë” e ish- nënkryetarit të Listës Sërpska, Milan Radojiçiç i cili ka marrë përgjegjësinë për sulmin ndaj pjesëtarëve të Policisë së Kosovës ku mbeti i vrarë rreshteri Afrim Bunjaku.
Më 29 qershor, 31-vjeçari serb ishte shpallur terrorist me vendim të Qeverisë së Kosovës.
Ai ishte pjesë e grupit terrorist “Severna Brigada” që dyshohet se udhëhiqet nga kriminale Radojiçiçi.
Një grup i armatosur të dielën e 24 shtatorit, ka sulmuar Policinë e Kosovës në Banjë të Zveçanit.
Autoritetet e Kosovës kanë akuzuar drejtpërdrejtë Serbinë se qëndron prapa këtij sulmi terrorist, teksa kryekrimineli Milan Radojiçiç – njeri i besuar i presidentit serb Aleksandër Vuçiç – ka marrë përgjegjësinë për këtë sulm.
Radojiçiç u arrestua të martën nga autoritetet serbe, mirëpo i njëjti një ditë më pas është liruar nga paraburgimi.
Vendet perëndimore, përfshirë Shtetet e Bashkuara të Amerikës dhe Bashkimi Evropian e kanë dënuar këtë sulm, derisa kanë kërkuar që përgjegjësit të sillen para drejtësisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rrëzohet helikopteri ku ndodhej presidenti iranian, sipas mediave shtetërore
-
SPAK goditi 7 grupe kriminale, GJKKO konfirmon masat arrest në burg për 9 të arrestuar
-
Forca Detare shqiptare dërgon anijen e dytë në operacionet e NATO-s
-
Kurti i ankohet Allenit që Komiteti i Ministrave s’e shqyrtoi kërkesën e Kosovës për anëtarësim në Këshill të Evropës