Njërit nga të plagosurit në Skenderaj ku mbeti i vrarë një person është dashur t’i amputohet këmba për shkak të lëndimeve të rënda që kishte marr nga të shtënat me armë zjarri.
Lajmin për Albanian Post e ka konfirmuar Shaqir Uka, shef i repartit të Intensives në Qendrën Klinike Universitare të Kosovës.
“Intervenimi ka qenë shumë serioz në regjionin e këmbës së djathtë. Ka humbur shumë gjak, po tentojmë ta stabilizojmë gjendjen e tij shëndetësore”, tha Uka.
“Në bazë të ekzaminimit që është bërë dhe gjatë intervenimit kirurgjik është parë që pjesa e nëngjurit të këmbës të djathtë është dashur të amputohet si shkak i dëmtimeve të pariparueshme”.
Uka ka treguar se mjekët janë duke punuar që ta stabilizojnë gjendjen e përgjithshme të plagosurit.
Ndërsa gjendja e të plagosurve të tjerë sipas Ukës është jashtë rrezikut për jetë.
Ai ka treguar se dy të plagosurit e tjerë kanë marr lëndime në pjesën e gjurit dhe shputës.
Ndërsa trupi i pajetë i viktimës është dërguar në Institutin e Mjekësisë Ligjore për obduksion.
Sipas policisë, një person është vrarë dhe tre të tjerë janë plagosur në një lokal në fshatin Runik të Skenderajt si pasojë e të shtënave me armë zjarri.
“Nga hetimet e para dhe këqyrja e vendit të ngjarjes, dyshohet se dy persona të dyshuar e të maskuar kanë hyrë brenda në lokal kanë shtënë me armë dhe janë larguar në drejtim të panjohur”.
Po ashtu në cilësi të provave materiale në vendin e ngjarjes janë gjetur dhe konfiskuar disa gëzhoja.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osmani uron Plenkoviç-in për rizgjedhjen e tij si Kryeministër i Kroacisë
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
Osmani takon të dielën Nënsekretaren Allen, nënshkruajnë marrëveshje kundër manipulimit të informacionit
-
Deklarata e Kurtit për 78 mijë vende të reja pune, Tahiri: Lëri përrallat, stop abuzimit me shifra imagjinare
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit