Edhe Laura Fazliu nuk arriti të sigurojë medalje në Kampionatin Botëror të xhudos që po mbahet në Doha të Katarit.
Fazliu është mposhtur edhe në luftën e repesazhit, në kërkim të medaljes së bronztë.
Ajo u mund nga xhudistja hungareze, Szofi Ozbas, në kategorinë deri në 63 kilogramë, derisa rrugëtimi i saj mbyllet si xhudistja e shtatë e botës në këtë kategori.
Ndryshe, Laura e nisi ditën shumë mirë, duke arritur me lehtësi deri në çerekfinale, ku u mposht nga xhudistja sllovene, Andreja Levski.
Kujtojmë që në rrethin e parë, Fazliu e mposhti xhudisten afrikane, Nadia Matchiko Guimendego.
Në raundin e dytë shënoi fitore ndaj polakes, Iva Obertan dhe në raundin e tretë e mposhti brazilianen, Ketleyn Quadros.
Kështu, Kosova mbetet pa medalje edhe pas ditës së dytë të Kampionatit Botëror të xhudos, ku më herët u mposhtën edhe dy kampionet olimpike: Nora Gjakova e Distria Krasniqi, si dhe garuesit tjerë, Akil Gjakova, Erza Muminoviq e Flaka Loxha.
Tani shpresat për një medalje do të mbeten te e vetmja xhudiste kosovare, Loriana Kuka.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit