Para ndeshjes së tyre kundër Nottingham Forest, lojtarët e Arsenal-it dërguan një mesazh mbështetjeje për Pablo Mari, mbrojtësin e huazuar në Monza, i cili iu nënshtrua një operacioni pas goditjes me thikë në një supermarket.
Skuadra ka pozuar me fanellën e Arsenalit të Pablo Mari gjatë stërvitjes së fundit në “Emirates Stadium”.
Incidenti ndodhi në Assago, në periferi të Milanos , në një qendër tregtare mbrëmjen e së enjtes.
For @PabloMV5 ❤️ pic.twitter.com/piVlkJnc07
— Arsenal (@Arsenal) October 30, 2022
Një 46-vjeçar italian, i cili ishte nën kujdesin psikiatrik, ka rrëmbyer një thikë nga raftet dhe ka goditur me thikë gjashtë persona, duke vrarë një arkëtar.
Pablo Mari thuhet se ishte i pari që u godit me thikë në shpinë dhe iu nënshtrua një operacioni të premten në mëngjes.
Fatmirësisht, thika nuk ka goditur asnjë organ vital dhe spanjolli ka dalë nga spitali mëngjesin e sotëm.
Atij i është thënë të pushojë plotësisht dhe nuk pritet të kthehet në fushë për tre muaj.
Pablo Mari e kaloi sezonin e kaluar si huazim në Itali te Udinese .
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ebrahim Raisi humb jetën pas rrëzimit të helikopterit, qeveria mbledhje urgjente
-
Abuzim me tendera, SPAK dërgon për gjykim ish-kryetaren e Bashkisë Patos dhe 6 zyrtarë
-
Liderët globalë shprehin ngushëllime për vdekjen e presidentit iranian
-
Qeveria e Kosovës miraton projektligjin për marrëveshjen për burgjet me Danimarkën