Për një shekull, Universiteti i Michigan-it mbajti një dokument që konsiderohej “një nga xhevahiret” e bibliotekës së tij.
Besohet se është shkruar nga Galileo Galilei në vitet 1609-1610.
Ai përmban një letër që përshkruan teleskopin dhe skicat e hënave të Jupiterit.
Universiteti tha se ishin “të dhënat e para vëzhguese që tregojnë se objektet rrotullohen rreth një trupi tjetër përveç Tokës”.
Galileo përdori teleskopin e ri në vitin 1610 për të zbuluar se Jupiteri kishte hëna që rrotulloheshin rreth tij.
Ky zbulim ndihmoi për të konfirmuar modelin heliocentrik të Nicolaus Copernicus.
Në të njëjtën kohë, hetimi i universitetit tregoi se Galileo me shumë mundësi nuk e ka shkruar dorëshkrimin.
Dokumenti ndoshta është falsifikuar në shekullin e 20-të nga një njeri i quajtur Tobias Nicotra, raporton revista “Smithsonian Magazine”.
Dyshimet e para në lidhje me vërtetësinë e dokumentit u ngritën kur Nick Wilding, një historian dhe studiues i Galileos në Universitetin Shtetëror të Georgia-s, vërejti një foto të dorëshkrimit.
Ai tërhoqi vëmendjen për dorëshkrimin e pazakontë, zgjedhjen e fjalëve dhe ngjyrën e bojës.
Wilding i kupton falsifikimet. Ai ligjëron kursin “Falsifikime, Faksimile dhe Kopje të Bukura” në Shkollën e Librave të Rrallë të Universitetit të Virxhinias.
Ai kishte zbuluar më parë një falsifikim të Sidereus Nuncius të Galileos, i cili dyshohet se përfshinte bojëra uji origjinale të hënës të Galileos.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Leonarda Cianciulli, sapunbërësja e Corregios: Kam prerë tre gra në copa, ishin sakrifica njerëzore për të më mbrojtur nga një mallkim
-
Një goditje dërrmuese për Izraelin dhe një bast masiv nga ICC-ja
-
Diplomati i lartë izraelit i kërkon AIPAC që të marrë ‘hapa dramatikë’ kundër ICC-së
-
Gjermania thotë se respekton ICC-në, por se Izraeli ka të drejtë të mbrojë veten