Armëpushimi i ndërmjetësuar nga Egjipti është vendosur të fillojë në orën 20:00.
Kjo, mes Izraelit dhe militantëve palestinezë të Xhihadit Islamik (PIJ).
Lajmi u bë i ditur nga agjencia “Reuters”, duke cituar një zyrtar palestinez.
Ndërmjetësuesit egjiptianë propozuan fillimisht një armëpushim në Gaza që do të hynte në fuqi në orën 22:00.
Kjo, sipas një burimi egjiptian të sigurisë, duke shtuar se Izraeli kishte rënë dakord ndërsa Kajro ishte ende duke kërkuar një përgjigje palestineze.
Nuk kishte asnjë konfirmim të menjëhershëm nga Izraeli apo militantët palestinezë.
Palët kanë shkëmbyer zjarr përtej kufirit të Gazës që nga e premtja e 5 gushtit.
Një burim politik izraelit konfirmoi gjithashtu më herët se po zhvilloheshin bisedime nga ndërmjetësit egjiptianë për të arritur një armëpushim dhe për t’i dhënë fund operacionit të Izraelit në Rripin e Gazës.
Por koha është e kufizuar, paralajmëroi një burim diplomatik egjiptian, duke shtuar se “me kalimin e kohës dhe përkeqësimin e situatës humanitare në Gaza, shanset që Hamasi t’i bashkohet luftës rritet”.
Sipas vlerësimit të tyre, “nëse nuk ka armëpushim brenda 48 orëve, Hamasi do t’i bashkohet luftimeve”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Megaoperacioni i SPAK: Goditen 7 grupe kriminale, 50 urdhër-arreste dhe 4.5 milionë euro të sekuestruara
-
Hasani nga Estonia: Shqipëria, qëndrim të palëkundur në mbrojtje të Ukrainës
-
Kievi njofton se 10 mijë njerëz u evakuuan nga rajoni i Kharkiv
-
Komandanti i KFOR-it: Ngjarjet e vitit të kaluar në Kosovë cenuan sigurinë e rajonit