Komisioni i Rithemelimit pritet të zhvillojë gjatë ditës së sotme Kuvendin Kombëtar të Partisë Demokratike në ambientet e Pallatit të Kongreseve.
Pamjet e para të siguruara nga Albanian Post dëshmojnë praninë e flamurit të Shteteve të Bashkuara, krah atij të NATO-s, Bashkimit Evropian dhe Partisë Demokratike.
Por, ky qëndrim i organizatorëve bie ndesh me atë të qeverisë amerikane.
Gjatë vizitës së saj në Shqipëri, ndihmës sekretarja amerikane e Shtetit për Evropën dhe Euro-Azinë, Karen Donfried, deklaroi se nuk mund të takohet me persona të shpallur non grata – referuar ish-kryeministrit Sali Berisha.
Në vijim të deklaratës, zyrtarja amerikane sqaroi se u takua me drejtues të opozitës – referuar kryetarit të komanduar Enkelejd Alibeaj dhe nënkryetares së PD-së, Jorida Tabaku.
Pra, edhe pse prania e SHBA-ve në kuvend mund të shihet me ngjyrat e saj kombëtare, në kuvendim nuk marrin pjesë drejtuesit e opozitës, të cilët i njeh zyrtarisht qeveria amerikane.
Kuvendi do të nisë pas pak dhe do të marrin pjesë 1 mijë e 800 delegatë të zgjedhur nga degët e PD-së në të gjithë Shqipërinë.
Parashikohet që votimi për anëtarët e rinj të Këshillit Kombëtar të nisë në orën 13:00.
Kuvendi do të propozojë ndryshime statutore dhe do të votojë për Këshillin e ri Kombëtar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Dhërmi/ Ranë në kontakt me rrymën elektrike, ndërron jetë pronari i hotelit dhe dy punonjës në gjendje të rëndë
-
Mbi 16 mijë fluturime janë menaxhuar nga Albcontrol në gjysmën e majit
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Hasani nga Estonia: Shqipëria, qëndrim të palëkundur në mbrojtje të Ukrainës
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit