Borussia Dortmund-i ka marrë një fitore të madhe, teksa ka mposhtur në udhëtim skuadrën e Mainz, me rezultat minimal 0:1, në ndeshjen e mbetur të javës së 25-të në Bundeliga.
Verdhezinjtë, sikurse në shumë ndeshje të fundit, edhe këtë herë u paraqitën me shumë mungesa në skuadër.
Pjesa e parë u karakterizua me pak raste për gol, me një lojë që kryesisht ishte e mbyllur nga të dyja skuadrat.
Edhe në fraksionin e dytë, skuadrat e kishin të vështirë të arrinin deri te mundësitë për të shënuar.
Por goli i vetëm i kësaj sfide u realizua në minutën e 87-të kur Axel Witsel shënoi pasi shfrytëzoi një top nga gjuajtja e lirë të dërguar nga Giovanni Reyna.
Me këtë sukses, Dortmund-i ngjitet në kuotën e 56 pikëve, katër më pak se kryesuesit e Bayern Munich-ut.
Ndërsa, Mainz ruan pozitën e dhjetë në tabelë me 34 pikë të arkëtuara pas 25 ndeshjeve të zhvilluara në Bundesliga.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit