Këtë të enjte të 24 shkurtit, Këshilli i Lartë i Prokurorisë ka shpallur vendimin për masë disiplinore ndaj dy magjistratëve.
Një nga magjistratët është F.G me detyrë prokuror në Prokurorinë pranë Gjykatës së Rrethit Gjyqësor Lezhë kurse tjetri është magjistrati M.L me detyrë prokuror në Prokurorinë pranë Gjykatës së Rrethit Gjyqësor Tiranë.
Këshilli i Lartë i Prokurorisë, me propozim të Komisionit Disiplinor, ka vendosur me shumicë votash për “Rrëzimin e kërkesës së Inspektorit të Lartë të Drejtësisë, për dhënien e masës disiplinore ‘Vërejtje publike’ ndaj magjistratit F.G dhe magjistratit M.L”.
Sakaq, referuar detyrimit ligjor, vendimi i arsyetuar me shkrim i njoftohet Inspektorit të Lartë të Drejtësisë dhe dy magjistratëve, brenda pesë ditëve nga data e shpalljes.
Lidhur me hetimin disiplinor nga ILD, ai ka nisur mbi ngjarjen e 28 shtatorit të vitit të kaluar në Ishull-Lezhë, ku si pasojë e veprimeve të kryera nga shtetasi A.R ka humbur jetën oficeri i policisë S. H.
Sipas ILD, veprimet e mosveprimet e prokurorit F.G në hetimin e shtetasit A.R janë mospërmbushje e detyrës së prokurorit.
Kurse për prokurorin M. L, ai ka lejuar pa shkaqe të arsyeshme moszbatimin e Udhëzimit të detyrueshëm të Prokurorit të Përgjithshëm, duke shkaktuar konfuzion.
Kështu, ILD në raportin hetimor nxjerr se veprimet dhe mosveprimet e ndërmarra nga ata përbëjnë shkelje disiplinore të lehtë.
Prandaj dhe i kërkoi KLP-së caktimin e masës disiplinore “Vërejtje publike” për dy magjistratët.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Dhërmi/ Ranë në kontakt me rrymën elektrike, ndërron jetë pronari i hotelit dhe dy punonjës në gjendje të rëndë
-
Mbi 16 mijë fluturime janë menaxhuar nga Albcontrol në gjysmën e majit
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Hasani nga Estonia: Shqipëria, qëndrim të palëkundur në mbrojtje të Ukrainës
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit