Autoritetet franceze deklaruan të premten e 4 shkurtit se do të marrin pjesë në përforcimin e sistemit të mbrojtjes së Emirateve të Bashkuara Arabe.
Ky dakordësim erdhi pas sulmit të rebelëve Houthi, të cilët mbështeten nga Irani.
“Emiratet e Bashkuara Arabe ishin viktima të sulmeve serioze në territorin e tyre në janar. Për të treguar solidaritetin tonë me këtë vend mik, Franca ka vendosur të ofrojë mbështetje ushtarake, veçanërisht për të mbrojtur hapësirën ajrore kundër çdo ndërhyrjeje”, shkroi në Twitter ministrja franceze e Forcave të Armatosura, Florence Parly.
Ministria franceze shtoi se operacionet do të kryheshin nga baza ajrore al-Dhafra.
Synimi, sipas saj, është zbulimi dhe përgjimi i çdo sulmi me dron ose raketë.
Në fillim të kësaj jave, Shtetet e Bashkuara shprehën gjithashtu gatishmërinë e tyre.
Autoritetet amerikane dërguan avionë luftarakë për të ndihmuar Emiratet.
Ndërtimi i ngjarjes
Emiratet e Bashkuara Arabe përgjuan tre dronë që hynë në hapësirën e tyre ajrore mbi zona të papopulluara herët të mërkurën.
Ky ishte sulmi i katërt në qendrën tregtare dhe turistike të Gjirit në javët e fundit.
Tre sulmet e para, duke përfshirë një sulm me raketa erdhën të hënën gjatë një vizite të presidentit të Izraelit.
Houthi-t nuk kanë njoftuar ende një operacion të ri dhe sulmi i së mërkurës me dron u mor përsipër nga një grup pak i njohur.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ushtria izraelite bombardon një shtëpi në Rafah, vdesin 2 persona
-
Kurti s’po guxon ta dërgojë draftstatutin e Asociacionit në Kushtetuese, thotë Haziri
-
Digjitalizimi i FSHF/ Duka takim pune me ekspertë nga Federata e Futbollit të Arabisë Saudite
-
Hovenier viziton në Leposaviq ushtarët amerikanë të KFOR-it
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Varshava do të shpenzojë 2.3 miliardë për të forcuar kufirin e saj me Ukrainën
-
Kurti s’po guxon ta dërgojë draftstatutin e Asociacionit në Kushtetuese, thotë Haziri