Borussia Dormund-it ka piketuar dy përforcimet e nevojshme për qendrën e mbrojtjes. Sipas gjermanes “Sport Bild”, dy lojtarët në fjalë janë Niklas Stark-u dhe Nico Schlotterbeck-u.
Aktualisht verdhezinjtë kanë tre lojtarë me përvojë në qender të mbrojtjes si, Mats Hummels-in, Manuel Akanji-n dhe Dan-Axel Zagadou-n.
Stark-u është 26-vjeç dhe aktivizohet në Bundesliga me skuadrën e Hertha-s së Berlinit.
Ai është në vitin e fundit të kontratës dhe mund të kalojë me parametra zero në “Signal Iduna Park”. Këtë sezon ai është paraqitur 13 ndeshje në kampionat.
Schlotterbeck-u është 22-vjeç dhe aktivizohet me Freiburg-un, po në Bundesliga.
Kontrata e 22-vjeçarit me klubin përfundon në verën e 2023 dhe sipas “Transfermarkt”-it ai vlerësohet rreth 13 milionë euro. Këtë sezon ai numëron 14 paraqitje dhe një gol në Bundesliga.
Në dallim nga Stark-u, Schlotterbeck-u aktivizohet edhe me Kombëtaren e Gjermanisë dhe është gati të hedhë një hap të madh në karrierë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit