Mustafa: Kosova e përkushtuar për arritjen e një marrëveshje me Beogradin për njohjen e diplomave
Kryetari i Partisë Demokratike Shqiptare nga Lugina e Preshevës, Ragmi Mustafa është pritur në takim nga zëvendësministri i Arsimit, Shkencës, Teknologjisë dhe Inovacionit, Dukagjin Pupovci, me të cilin kanë biseduar për njohjen reciproke të diplomave ndërmjet Kosovës dhe Serbisë.
Kryetari i PDSH-së, Mustafa me anë të një postimi në rrjetin social Facebook, ka thënë se Ministria e Arsimit e Republikës së Kosovës është e përkushtuar për njohjen e diplomave mes të dy vendeve.
“Sipas zëvendësministrit kjo ministri por edhe Qeveria e Republikës së Kosovës janë të përkushtuar në arritjen e marrëveshjes me Beogradin zyrtar për njohjen reciproke të diplomave të arritura në gjitha nivelet e shkollimit. Kjo temë është në agjendën e Qeverisë Kurti mbase prioritare”.
Mustafa ka deklaruar se që nga ky vit akademik, studentët e Luginës së Preshevës nuk do të paguajnë tarifa të shkollimit në fakultetet publike në Kosovë.
“Nga ky vit akademik, studentët e Luginës nuk do të paguajnë tarifat e shkollimit si në nivelin bachelor po ashtu edhe ato në master, nënkuptohet për ata studentë që janë të regjistruar në Universitetet Publike”.
Ndërsa sa i përket teksteve shkollore për Luginën e Preshevës, ai ka thënë se do të jetë pjesë e agjendës së bisedimeve ndërmjet Prishtinës dhe Beogradit në Bruksel.
“Agjendë tjetër e Ministrisë së Arsimit dhe qeverisë Kurti në bisedimet Prishtinë – Beograd do të jenë dhe tekstet mësimore shkollore”, ka shkruar Mustafa.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osmani uron Plenkoviç-in për rizgjedhjen e tij si Kryeministër i Kroacisë
-
Kush janë hebrenjtë ultraortodoksë dhe pro-palestinezë?
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
Gantz: Kërkojmë një plan për Gazën deri më 8 qershor ose do të largohemi nga qeveria
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit