Një ngjarje interesante i ka ndodhur futbollistit me prejardhje kosovare, Xherdan Shaqirit.
Reprezentuesi i kombëtares së Zvicrës, teksa ishte duke folur në komunikatën për media pas ndeshjes mes përfaqësueses helvete dhe Irlandës së Veriut, një tifoz shqiptar ia veshi atij një xhaketë me logon e Ushtrisë Çlirimtare të Kosovës (UÇK).
Shaqiri e mori me buzëqeshje këtë gjest të tifozit në fjalë, por më pas ai e zhveshi atë, duke e mbajtur në dorë xhaketën.
Sa i përket takimit, zviceranët e fituan atë përballë irlandezëve me shifrat 2:0, takim ky i vlefshëm për kualifikimet e Kupës së Botës, “Katar 2022”.
Në këtë ndeshje, Shaqiri luajti për 90 minuta, ku pati paraqitje shumë të mirë.
Me këtë fitore, Zvicra pozicionohet në vendin e dytë të Grupit C, me 11 pikë të grumbulluara, tri më pak se Italia e vendit të parë.
Ndeshjen e radhës, zvicëranët do ta zhvillojnë përballë Lituanisë në udhëtim, më 12 tetor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Cameron në Shqipëri, shpalos programin për të luftuar korrupsionin dhe krimin e organizuar
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Polonia do të shpenzojë 2.3 miliardë euro për sigurinë e kufirit me Rusinë dhe Bjellorusinë
-
Nënsekretarja amerikane: Me Osmanin diskutuam për udhëtimin euroatlantik të Kosovës përmes Asociacionit