Organi më i lartë i futbollit në Europë, UEFA, ka deklaruar gjatë ditës së mërkurë se ka pezulluar përkohësisht procedurat disiplinore ndaj tre klubeve “rebele” të Super Ligës, Real Madrid-it, Barcelona-s dhe Juventus-it.
Organi i Pavarur i Apelit i UEFA-s mori vendimin në lidhje me klubet që janë ende pjesë e projektit “Super Liga” dhe sipas UEFA, besohet se kanë thyer ligjet e kësaj organizate.
UEFA vendosi të ndërpresë procedurat pas vendimit të një gjykate në Zvicër më 2 qershor, ku klubet kishin ngritur padi për mbrojtjen e tyre përballë UEFA.
Gjithsesi, në vazhdim pritet një hetim më i thelluar nëse janë shkelur ligjet apo jo nga ky projekt, por vendimi tashmë do të jenë në bazë të rregullave të Bashkimit Europian, mbi “Të Drejtat e Njeriut”.
Në proces pritet të marrin pjesë Gjykata Evropiane e të Drejtave të Njeriut, Gjykatat e BE-së dhe Gjykata Federale e Zvicrës, përveç UEFA dhe tre klubeve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit