Championship-i anglez ka përmbyllur javën e 46 dhe të fundit për sezonin 2020/21 ditën e shtunë. Dy ekipet që janë ngjitur automatikisht në Premier Ligë janë Norwich-i dhe Watford-i.
Norwich-i e mbylli sezonin si kampioni i Championship, me 97 pikë në 46 ndeshje. Pas tyre u rendit Watford-i me 91 pikë.
Ekipi i tretë që do të ngjitet në Premier Ligë do të dalë nga ndeshjet e play-off. Katër ekipe do të garojnë për një vend në elitën e futbollit anglez, Brentford-i, Swansea, Barnsley dhe Bournemouth-i.
Tre ekipet që kanë rënë nga kategoria janë: Wycombe, Rotherham-i dhe Sheffield Wednesday. Derby County i udhëhequr nga ish-legjenda e Anglisë dhe Manchester United-it, Wayne Rooney, ka arritur t’i shpëtojë rënies nga kategoria për vetëm një pikë, pas barazimit 3-3 me Sheffield Wednesday-n në ndeshjen e fundit.
Ndërkohë, nga Premier Liga aktualisht vetëm Sheffield United-i ka rënë nga kategoria. Ndërsa, rrezikojnë West Brom-i dhe Fulham-i që mbajnë dy vendet më sipër Sheffield-it të vendit të fundit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Mbi 16 mijë fluturime janë menaxhuar nga Albcontrol në gjysmën e majit
-
Iran, shtatë persona të varur në një ditë – dy prej tyre, gra
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit