16 persona shtrohen në spital nga nxehtësia e akumuluar në koncertin e Snoop Dogg

Sezoni i vrullshëm i koncerteve verore bëri që më shumë se dy duzina njerëz të kërkojnë ndihmë mjekësore, fundjavën që lamë pas, në koncertin e rep artistit, Snoop Dogg që u mbajt në pavijonin Cynthia Woods Mitchell jashtë Hjustonit.

Përveç 35 personave që shfaqën shenja “sëmundjeje të lidhura me nxehtësinë”, të cilët u ekzaminuan në ambientet e ngjarjes, dhjetëra të tjerë u shtruan në spital në koncertin, ku temperaturat arritën në 40 gradë celsius gjatë ditës, shkruan Billboard, transmeton AlbanianPost.

“Nga këto, ekipi ynë transportoi 16 të rritur në spitalet e afërta në gjendje të qëndrueshme”, tha zyrtari i informacionit publik të qarkut të Spitalit të Montgomery County, Misti Willingham.

Në mes të një prej verave më të nxehta në historinë e planetit për shkak të efektit të ndryshimeve klimatike globale, departamenti lokal i zjarrfikësve u dërgua në vendin e shfaqjes si një masë paraprake gjatë koncertit në rast se numri i pacientëve vazhdon të rritet.

“Kjo është një praktikë e zakonshme dhe shumë efektive nëse bëhet herët”, tha zyrtari i Departamentit të Zjarrfikësve të Atascocita, Jerry Dilliard.

Gjatë koncertit të Snoop Dogg, Departamenti i Zjarrfikësve shkroi në Twitter se ata “u drejtuan në pavijonin Woodlands për të ndihmuar pjesëmarrësit e koncertit të mbinxehur të Snoop Dogg”.

Snoop po vazhdon koncertet e tij bashkë me Too $hort dhe Wiz Khalifa në turneun e tyre të Ribashkimit të Shkollës së Lartë, i cili është planifikuar të dalë në Amfiteatrin Isleta në Albuquerque.

Incidenti ishte vetëm përplasja e fundit e lidhur me nxehtësinë në këtë verë, pas një shfaqjeje të Ed Sheeran në Pittsburgh më 8 korrik, gjatë së cilës 17 njerëz u shtruan në spital për shkak të sëmundjeve “të lidhura me nxehtësinë

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.