Princi i kurorës së Abu Dhabi-t, Sheikh Mohammed bin Zayed al-Nahyan – sundimtari de facto i Emirateve të Bashkuara Arabe – diskutoi të mërkurën zhvillimet në Siri dhe Lindjen e Mesme me presidentin e Sirisë, Bashar Assad. Njoftimi u bë nga agjencia e lajmeve “Emirates”.
Aleatët kryesorë rajonalë të Uashingtonit kanë rritur lidhjet ekonomike dhe diplomatike me Assad-in, të shmangura pas një shtypjeje të përgjakshme mbi një dekadë më parë (2011) ndaj protestave paqësore kundër sundimit të tij që u shndërruan në një luftë të shumanshme që vrau qindra mijëra dhe zhvendosi miliona.
Emiratet e Bashkuara Arabe rihapën misionin e tyre në Damask në fund të vitit 2018 në një përpjekje për të kundërshtuar ndikimin e aktorëve joarabë si Irani. Ky i fundit së bashku me Rusinë mbështet Assad-in dhe Turqinë, e cila mbështet forcat rebele. “WAM” nuk dha detaje të tjera mbi bisedimet.
Të martën, kryeministri izraelit Naftali Bennett ishte i ftuar të bënte vizitën e tij të parë zyrtare në Emiratet e Bashkuara Arabe ndërsa takohej me ambasadorët e Emirateve të Bashkuara Arabe dhe Bahrain-it në Izrael.
Takimi i Bennett me ambasadorët e Bahrain-it dhe Emirateve, Khaled Yousif Al Jalahma dhe Mohammed Al Khajah, u mbajt në zyrën e kryeministrit në Jerusalem. U mësua se Al Khajah i bëri ftesë Bennett-it në emër të princit të kurorës.
Sipas një deklarate nga zyra e Bennett-it, takimi përfshiu diskutime mbi zgjerimin e lidhjeve, bashkëpunimin rajonal dhe avancimin e të ashtuquajturave “Marrëveshje të Abrahamit”.
Jordania, një aleat i vendosur i SHBA-ve, rihapi plotësisht pikë kalimin e saj kryesor kufitar me Sirinë në fund të shtatorit. Kjo erdhi për të rritur ekonomitë në vështirësi të vendeve dhe për të përforcuar shtytjen e shteteve arabe për të riintegruar Sirinë.
Mbreti Abdullah i Jordanisë foli gjithashtu me Assad-in për herë të parë në një dekadë këtë muaj, ndërsa ministrat e Jashtëm egjiptian dhe sirian u takuan muajin e kaluar në margjinat e Asamblesë së Përgjithshme të OKB-së në New York – në atë që media egjiptiane tha se ishte takimi i parë në atë nivel për rreth një dekadë.
“Marrëveshja e Abrahamit” është nënshkruar midis Izraelit, Emirateve të Bashkuara Arabe dhe SHBA-të më 13 gusht 2020. Më pas nga BahrAin, Sudani dhe Maroku.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osmani uron Plenkoviç-in për rizgjedhjen e tij si Kryeministër i Kroacisë
-
Kush janë hebrenjtë ultraortodoksë dhe pro-palestinezë?
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
Gantz: Kërkojmë një plan për Gazën deri më 8 qershor ose do të largohemi nga qeveria
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit