Presidenti i Republikës së Shqipërisë, Ilir Meta, pasditen e 9 shkurtit ka bërë me dije se ka dorëzuar zyrtarisht kallëzimin penal ndaj Kuvendit në Prokurorinë e Posaçme (SPAK) dhe atë të Tiranës.
Meta ka akuzuar funksionarët e Kuvendit se, gjatë seancës së shkarkimit të tij në Gjykatën Kushtetuese, ata kanë “falsifikuar dokumentet”.
Bëhet fjalë për dokumentet e sjella nga përfaqësuesit e mazhorancës në Kuvend.
“Krimi i falsifikimit është shumë flagrant. Ndodh për herë të parë në një seancë publike të Gjykatës Kushtetuese nga Kuvendi i Shqipërisë – në një proces që ndodh për herë të parë kundër Presidentit të Republikës”, deklaroi më herët ai, gjatë një konference.
Nga ana tjetër, përfaqësuesi ligjor i presidentit, Bledar Dervishaj, dha detaje lidhur me “shkeljet e pretenduara”, të kryera nga Kuvendi ditën e ngritjes së Komisionit Hetimor për shkarkimin e Metës.
“Një prej shkeljeve të konstatuara nga ana jonë ishte fakti, që në datën 7 maj në vitin 2021, kur u miratua ngritja e Komisionit Hetimor, Kuvendi kishte bërë tre shkelje”, tha ai.
Sipas Dervishajt, rendi i ditës ishte caktuar nga ish-kryetari i Kuvendit në datën 6 maj për në datën 7 maj, pra nëse “do t’u kthehemi ngjarjeve, Kuvendi po thërritej në seancë plenare për një afat më pak se 24 orë.
Ai ka theksuar se, në rendin e ditës, nuk kishte dy çështje, por kishte një.
“Shkelja e tretë që kemi pretenduar kishte të bënte me faktin se, referuar rregullores së Kuvendit, nuk kishte kërkesë për shtesa në rendin e ditës”.
Dervishaj dhe presidenti Meta deklaruan se do t’i drejtohen Prokurorisë “për manipulimin e shkresave nga ana e Kuvendit”.
Më 7 shkurt, Gjykata Kushtetuese mbajti seancën e tretë për shkarkimin e presidentit.
Të dyja palët si ajo e Kuvendit përfaqësuar nga deputetja e Partisë Socialiste (PS), Klotilda Bushka dhe përfaqësuesi ligjor i Metës, Bledar Dervishaj, bënë edhe diskutimet përfundimtare.
Gjykata u tërhoq dhe njoftoi se brenda 30 ditëve do të komunikonte vendimin zyrtar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
Promovimi i barazisë, përfshirjes sociale dhe mosdiskriminimit në Shqipëri
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit