Paul Mescal, Spike Lee e Olivia Colman ndihmojnë përpjekjet e ankandit për mbledhjen e fondeve në Gaza

Donacionet nga aktorët Spike Lee, Paul Mescal dhe Olivia Colman janë shtuar në një listë në rritje të artikujve që shiten si pjesë e ankandit “Cinema for Gaza”, i cili deri më tani ka mbledhur mbi 113 mjë dollarë.

Një poster i kornizuar “Malcolm X” i nënshkruar nga Lee, një poster “Aftersun” i nënshkruar nga Mescal dhe një video mesazh i personalizuar nga Colman janë ndër produktet e reja të ankandit që do të lançohen, së bashku me artikuj shtesë.

Pjesë të tjera të reja përfshijnë një ‘Zoom’ me regjisoren Eliza Hittman plus një poster të nënshkruar, një kafe në Dublin (ose bisedë në Zoom) me Lenny Abrahamson plus një libër të nënshkruar me skenarë të “Normal People” dhe darkën në Ghent me Lukas Dhont, plus një “Close” të nënshkruar me skenar xhirimi.

Ndërkohë, Jonathan Glazer, i cili javën e kaluar dhuroi shtatë postera të nënshkruar “The Zone of Interest”, ka forcuar më tej mbështetjen e tij për ankand me dhurimin, së bashku me producentin e tij James Wilson, të një libri të nënshkruar skenari “Under the Skin”, plus postera dhe një triptik me foto me kornizë nga fotografi Neal O’Brien.

I krijuar nga kineastët dhe gazetarët e filmit me qendër në Mbretërinë e Bashkuar, Hanna Flint, Julia Jackman, Leila Latif, Sophie Monks Kaufman dhe Helen Simmons, ankandi “Cinema for Gaza” është rritur në mënyrë të qëndrueshme që nga fillimi i tij më 28 mars, me më shumë donacione nga të famshmit.

Ankandi mbyllet më 12 prill, ku të gjitha donacionet shkojnë për Ndihmën Mjekësore për Palestinezët (MAP).

MAP aktualisht po i përgjigjet urgjencës në Gaza, ku autoriteti lokal shëndetësor thotë se më shumë se 32 mijë palestinezë janë vrarë gjatë hakmarrjes së Izraelit për sulmin e Hamasit të 7 tetorit, i cili vrau më shumë se 1 mijë e 100 izraelitë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.