Një foto me idhullin e tij, i kushtoi me largim nga puna

Një fotografi me idhullin e tij, i ka kushtuar me dalje nga puna djaloshit 18-vjeçar, Matteo Lo Cicero.

Ngjarja ka ndodhur në stadiumin e Romës, më konkretisht pas ndeshjes Roma – Napoli.

Djaloshi i lartpërmendur është punonjës në stadiumin e kryeqytetit italian apo steward.

Pasi përfundoi ndeshja, ai priti një kohë të gjatë për t’u takuar me idhullin e tij, sulmuesin e Napolit, Victor Osimhen, për ta bërë një foto së bashku.

💙🤝🏾🇳🇬 https://t.co/Jq8ahs8iIC

— swart (@sediciswart) October 26, 2022

Por, ajo foto i kushtoi shumë, pasi djaloshin e pezulluan ndërsa e njoftuan se ai nuk mund të jetë më stewart dhe një punë të tillë nuk mund ta bëjë në ndeshjet e Romës në “Olimpico”.

Gazetari i njohur i sportit, Oma Akatugba, që është gjithashtu mik i Osimhen-it e ka treguar këtë ngjarje me djaloshin nga Roma.

“Ndërsa prisja Viktorin pas ndeshjes në këtë vend ku lejohet të hyjnë vetëm miqtë, familja dhe të besuarit dhe agjentët e ngushtë, pashë këtë djalë që punonte si një nga stjuardët. Pyeti se kë prisja, i thashë Viktor Osimhen. Ai tha oh, ai është idhulli im”, shkruan Akatugba.

“Ai hapi shpejt telefonin e tij për të më treguar të gjitha fotot e Viktorit në telefonin e tij dhe se si ai gjithmonë poston për Viktorin”.

“Kështu ai më kërkoi të realizoja ëndrrën e tij që ishte të takohej dhe të bëj një foto me Viktorin. I thashë me siguri që do të të çoj tek ai. Ndoshta për të thënë faleminderit”, ka shkruar Akatugba.

And he quickly opened his phone to show me all Victor’s pictures on his phone and how he always posts about Victor. So he asked me to make his dream come true which was to meet and take a picture with Victor. I told him sure I will take you to Victor. Perhaps to say thank you,

— Oma Akatugba (@omaakatugba) October 25, 2022

Megjithatë, siç shpjegohet nga mediat italiane, Osimhen që ishte dëshmitar i skenës në momentin kur djaloshin e pezulluan u mundua ta mbronte 18-vjeçarin duke theksuar se ai ishte shoku i tij.

Por, kur fjalët e sulmuesit nigerian nuk u morën parasysh, ai i premtoi djaloshit që do t’ia gjente një punë.

Kujtojmë që ishte pikërisht Osimhen që vulosi ndeshjen, duke shënuar golin e vetëm në atë sfidë që Napoli e fitoi me rezultat 0:1.

Osimhen është një nga sulmuesit më të fortë aktualisht në botë. Në verën e kaluar disa klube të mëdha ofruan deri në 100 milionë euro për shërbimet e tij, por Napoli refuzoi paratë për ta mbajtur atë në skuadër.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.