Ish-presidenti francez, Nicolas Sarkozy, u dënua të enjten e 30 shtatorit me një vit burg.
Kjo për financimin e paligjshëm të fushatës në vitin 2012, duke e bërë atë kreun e parë të shtetit francez në kohët moderne që merr dy dënime me burg.
Gjykatësi tha se, Sarkozy mund ta vuante dënimin në arrest shtëpie.
Të 13 bashkëpandehurit në çështje u shpallën fajtorë.
“Nicolas Sarkozy e dinte kufirin e shpenzimeve, ai e dinte se nuk duhet ta tejkalonte atë”, tha gjykatësi.
Kjo është çështja e dytë penale që përfshin Sarkozy-n.
Drejtësia dyshon se Bashkimi për një Lëvizje Popullore (UMP, ish-partia e Sarkozy, tani Partia Republikane) dhe agjencia e komunikimit Bygmalion, kanë krijuar fatura false gjatë fushatës presidenciale të vitit 2012. Sarkozy akuzohet se ka fshehur tejkalimin masiv të të ardhurave.
66-vjeçari ka apeluar dënimin e marsit.
Drejtësia e akuzoi Sarkozy-në se u përpoq të merrte disa informacione sekrete nga magjistrati i Gjykatës së Kasacionit, Gilbert Azibert.
Këto informacione sekrete lidheshin me një tjetër çështje që ka lidhje me të (çështja “Bettencourt”).
Në këmbim të informacioneve, thuhet se Sarkozy ka premtuar se do të ndërhyjë, në mënyrë që magjistrati të marrë një post prestigjioz në Monako.
Akuzat erdhën pas përgjimeve të Sarkozy-së dhe avokatit të tij në një linjë telefonike jozyrtare. Të dy telefonat e përdorur ishin parapaguar dhe të blerë me emrin “Paul Bismuth”.
Helikopterët, kontrata me Kazakistanin
Një tjetër hetim është hapur nga prokuroria për marrëveshjen 2.5 milionë dollarëshe, që u nënshkrua midis Francës dhe Kazakistanit, kur president ishte Nicolas Sarkozy. Kontrata, e nënshkruar në vitin 2010 midis Kazakistanit dhe kompanisë franceze “Eurocopter” për shitjen e 45 helikopterëve.
Dyshohej se kjo kontratë ka qenë një objekt i pastrimit të parave ose i retrokomisioneve.
Sidoqoftë, Nicolas Sarkozy mori pjesë në negocimin e kësaj kontrate ndërkombëtare si kryetar i shtetit.
Hetuesit dyshuan gjithashtu, që ekipi i ish-presidentit bënte presion në senatin belg, për të marrë një vendim të favorshëm për tre biznesmenët me origjinë nga Kazakistani. Këta biznesmenë po ndiqeshin penalisht në këmbim të nënshkrimit të kontratës midis dy shteteve të lartpërmendura.
Një hetim zyrtar u hap në vitin 2013, pasi dyshohej për pastrim parash. Sarkozy nuk u mor kurrë në pyetje nga të afërmit. Ndërkohë që disa të afërm të tij si Claude Guéant u morën në pyetje.
Udhëtimet me avionë
Gjatë kontrollit të një tjetër çështjeje, gjykatat zbuluan se në vitin 2014, faturat e disa fluturimeve private të ish-presidentit ishin paguar nga kompania e mikut të tij, Stéphane Courbit, LOV Group.
Nicolas Sarkozy nuk u hetua kurrë gjatë hetimit të dosjes. Kjo dosje hidhte dyshime, të pabazuara, të abuzimit të pasurive të korporatave në dëm të Lov Group. Hetimet u mbyllën në vitin 2016.
Bernard Tapie dhe arbitrazhi
Nicolas Sarkozy ishte president në 2008, kur shteti francez pranoi të paguante 404 milionë euro, gjatë një arbitrazhi. Kjo shumë iu kompensua biznesmenit Bernard Tapie. Kjo shumë u pagua si kompensim ndaj dëmit që pretendohet se pësoi gjatë shitjes së Adidas-it, në vitin 1993.
Arbitrazhi, i dëmtuar nga manipulimi, u anulua nga gjykatat në 2015. Më pas, Bernard Tapie urdhëroi rimbursimin. Christine Lagarde, e cila i kishte dhënë dritën jeshile arbitrazhit si Ministre e Ekonomisë, u dënua në vitin 2016 për “neglizhencë” nga Gjykata Franceze e Drejtësisë.
Në këtë dosje, Sarkozy, refuzoi të shkonte për të dëshmuar, duke u fshehur pas imunitetit të tij presidencial. Për shkak të imunitetit, ai nuk u mor kurrë në pyetje. Edhe pse gjykatësit prej kohësh në dyshim afërsinë e Bernard Tapie dhe rolin që mund të ketë luajtur gjatë arbitrazhit.
Sondazhet e Elysée-së
Gjatë presidencës së Nicolas Sarkozy-së, dyshohet se Elysée-ja ka nënshkruar disa kontrata të parregullta për realizimin e sondazheve. Elysée-ja zhvilloi sondazhet me kompanitë e dy këshilltarëve të presidentit, përkatësisht Patrick Buisson-in dhe Pierre Giacometti-n.
Në vitin 2019, gjykata hetoi edhe 6 persona të tjerë (përfshirë dhe dy të afërm të Nicolas Sarkozy-së). Data e gjykimit të tyre nuk është vendosur ende. Sarkozy nuk mund të vihej në shënjestër nga gjykatësit, pasi çështja kishte ndodhur gjatë mandatit të tij. Edhe këtë radhë, për shkak të imunitetit presidencial, ai refuzoi të dëshmonte në vitin 2016.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vizita e Cameron në Tiranë: Fokus emigrantët dhe plani për gjyqësorin
-
Allen pas takimit me Kurtin: Të zbatohen të gjitha marrëveshjet që kanë bërë Kosova dhe Serbia
-
Kryeministri sllovak jashtë rrezikut për jetën, por mbetet në terapi intensive
-
Të hënën arrin në Kosovë kontingjenti i 41-të i ushtarëve kroat në kuadër të KFOR-it
Lajmet kryesore
-
Vizita e Cameron në Tiranë: Fokus emigrantët dhe plani për gjyqësorin
-
Emigrantët, gjysma e BE-së kërkon të ndjekë modelin e Shqipërisë me Italinë
-
Kryeministri sllovak jashtë rrezikut për jetën, por mbetet në terapi intensive
-
Allen pas takimit me Kurtin: Të zbatohen të gjitha marrëveshjet që kanë bërë Kosova dhe Serbia