Motra e mashtruesit të Wall Street, Bernie Madoff dhe bashkëshorti i saj, u gjetën të vdekur në Florida. Autoritetet hetuese dyshojnë se në dukje është vetëvrasje.
Zyra e sherifit të qarkut Palm Beach, të dielën, ka identifikuar trupat e pajetë të çiftit, Sondra Wiener, 87 vjeç, nga Boynton Beach dhe burri i saj 90-vjeçar, Marvin Wiener.
Pasditen e së enjtes, nga këqyrja brenda banesës së tyre, u konstatuan se trupat ishin plagosur me armë zjarri.
“Detektivët nga divizioni i krimeve të dhunshme mbërritën në vendngjarje për të hetuar më tej”, tha zëdhënësi i sherifit. “Pas hetimeve të mëtejshme duket se është një vetëvrasje”.
Shkaqet e vdekjes do të përcaktohen nga zyra e ekzaminuesit mjekësor.
Një grua, e cila e identifikoi veten si gruaja e djalit të çiftit, David Wiener, kërkoi privatësi “në këtë çast pikëllimi”.
E kontaktuar me telefon, ajo u shpreh se “nuk kemi asnjë koment në këtë moment”.
Madoff ishte i njohur për orkestrimin e një skeme masive Ponzi, që fshiu pasuritë e njerëzve, si dhe shkatërroi organizatat bamirëse.
Pasi u deklarua fajtor në vitin 2009 për mashtrim dhe akuza të tjera, ai u dënua me 150 vjet burg.
Madoff vdiq vitin e kaluar, në moshën 82-vjeçare.
Marrë nga “The Guardian”, përshtatur për Albanian Post.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Njohja e pavarësisë së Kosovës nga Mali i Zi, Vuçiç: E shkeli Serbinë
-
Polonia do të shpenzojë 2.3 miliardë euro për sigurinë e kufirit me Rusinë dhe Bjellorusinë
-
Përshtatën magazinën për kultivimin e kanabisit, pranga pronarit dhe drejtorit të OSHE-së
-
Protestuesit në Izrael kërkojnë dorëheqjen e Netanyahut dhe lirimin e pengjeve
Lajmet kryesore
-
Cameron në Shqipëri, shpalos programin për të luftuar korrupsionin dhe krimin e organizuar
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Polonia do të shpenzojë 2.3 miliardë euro për sigurinë e kufirit me Rusinë dhe Bjellorusinë
-
Nënsekretarja amerikane: Me Osmanin diskutuam për udhëtimin euroatlantik të Kosovës përmes Asociacionit