Mosmarrëveshja për Detin e Kinës Jugore: flota kineze e peshkimit alarmon Filipinet

Filipinet i bënë thirrje Kinës të tërheqë anijet që lundrojnë në Detin e Kinës Jugore. Mbi 200 anije kineze ndodhen në këto ujëra.

Filipinet kanë akuzuar Kinën për shkeljen e ujërave territoriale në Detin e Kinës Jugore.

Ministri i Mbrojtjes së Filipineve, Delfin Lorenzana, deklaroi se anijet kineze po shkelnin të drejtat detare të Filipineve.

Pretendohet se anijet e peshkimit në dukje nuk peshkojnë. Ndër të tjera, Filipinet deklarojnë se në këto anije qëndron ekuipazhi i milicisë detare të Kinës.

Pesë vite më parë një gjykatë ndërkombëtare hodhi poshtë pretendimet kineze të sovranitetit mbi 90% të zonës detare.

Filipinet, Brunei, Malajzia, Tajvani dhe Vietnami kanë kundërshtuar pretendimet e Kinës për pothuajse të gjithë detin për dekada të tëra. Tensioni është rritur në mënyrë të vazhdueshme gjatë viteve të fundit.

Pekini vazhdon të pretendojë zonën e demarkacionit, të njohur edhe si “vija me nëntë vija”. Pekini zyrtar ka mbështetur pretendimet e tij lidhur me ndërtimin e ishullit dhe patrullimet. Kina ka zgjeruar praninë ushtarake edhe pse ka pohuar se qëllimet e tyre janë paqësore.

Cili është pozicioni i Filipineve?

Fotografitë e publikuara, më shtatë mars, nga rojet bregdetare të Filipineve tregojnë një varg anijesh kineze të ankoruara në zonën e Whitsun Reef , në Detin e Kinës Jugore.

Sipas  task-forcës ndërqeveritare zona e Whitsun Reef ndodhet brenda zonës ekonomike ekskluzive të Filipineve.

Filipinet pretendojnë se Kina kishte rreth 220 anije të ankoruara në këtë zonë.

Ndërkohë, Kina ka hedhur poshtë raportet ku thuhet se përdor flota të peshkimit për të ndihmuar në pohimin e pretendimeve të saj territoriale.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.