Lionel Messi ka munguar në seancën e fundit stërvitore përpara ndeshjes së Paris Saint-Germain të martën kundër Benfica-s.
Kampionët francezë do të kërkojnë të fitojnë njëfarë kontrolli në grupin e tyre të Ligës së Kampionëve duke mposhtur Benfica-n pasi aktualisht janë të barabartë me të në shtatë pikë.
Sipas Le Parisien, lojtari argjentinas do të mungojë në ndeshjen kundër Benfica-s për shkak se pësoi një lëndim të vogël në ndeshjen e fundit të Champions League, në të cilën kërkoi të zëvendësohej.
Pavarësisht “testeve qetësuese” të kryera nga ekipi mjekësor i klubit, sulmuesi iu nënshtrua trajtimit gjatë gjithë fundjavës.
Klubi parisien nuk dëshiron të rrezikojë. Përveç kësaj, këtë fundjavë PSG do të luajë derbin kryesor kundër Marseille-s.
Plus, pas gjashtë javësh fillon Botërori dhe ky është objektivi kryesor i Messi-t për vitin 2022.
Deri më tani, ishte sezoni më i mirë i argjentinasit në PSG. Pesë golave dhe shtatë asistimeve të tij në Ligue 1, ai ka shtuar edhe dy gola dhe një asistim në Champions League.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit
