MB mund të miratojë projektligjin për heqjen e shtetësisë britanike

Sipas një projektligji të ri, qeverisë së Mbretërisë së Bashkuar mund t’i lindë e drejta që t’u heqë personave, pa një paralajmërim, shtetësinë britanike.

Projektligji, i cili u votua javën e kaluar, do të diskutohet më 5 janar 2022 nga Dhoma e Lartë e Parlamentit dhe Dhoma e Lordëve.

Në vitin 2002, pas miratimit të Aktit të Kombësisë, Emigracionit dhe Azilit qeveria mund t’u hiqte nënshtetësinë britanike vetëm personave që kishin edhe një shtetësi tjetër.

Shifrat e Zyrës së Regjistrimit tregojnë se 199 personave iu hoq shtetësia, me 104 raste vetëm në vitin 2017.

Në dy vitet e fundit, numrat kanë rënë përsëri në rreth 25 deri në 30 në vit.

Në 2019, një vajzë 19-vjeçare, e lindur në Mbretërinë e Bashkuar, Shamima Begum, u përball me heqjen e shtetësisë britanike, pasi iu bashkua grupit “Shteti Islamik”.

Në atë kohë, qeveria argumentoi se Begum nuk kishte pasaportë të huaj, porse ajo nuk do të mbetej pa shtetësi.

Bangladeshi, ku ka lindur Shamima, e konsideron këdo që lind nga një prind nga Bangladeshi si shtetas që nga lindja deri në moshën 21-vjeçare.

Zyra e Brendshme e Mbretërisë së Bashkuar në një deklaratë tha se “shtetësia britanike është një privilegj, jo një e drejtë”.

Amendamenti ka shkaktuar zemërim të madh, jo vetëm te grupet e të drejtave të njeriut. Ai ka ndikuar edhe tek emigrantët dhe azilkërkuesit.

Komiteti i Përbashkët i Mbretërisë së Bashkuar për të Drejtat e Njeriut, sakaq, thotë se, nëse ky projektligj miratohet, shkel të drejtat e njeriut dhe Konventën e Refugjatëve.

Ata i kanë bërë thirrje qeverisë të marrë masa, pasi ky projektligj është i papajtueshëm me të drejtat e njeriut.

Kryesisht shtetësia u është hequr myslimanëve britanikë nga Azia Jugore, Lindja e Mesme dhe Afrika e Veriut.

Këto ndryshime mund të ndihen edhe te qytetarët e BE-së, si dhe të ndikojë edhe te kërkesat për azil nga vendet e BE-së.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.