Ministri i Brendshëm i Shqipërisë, Bledi Çuçi, ka prezantuar në Kuvend një projektligj, sipas të cilit për shtetasit e huaj në Shqipëri, do të unifikohen lejet e qëndrimit dhe ato të punës, në një të vetme, e cila do të emërtohet Leje Unike.
Kjo, sipas Çuçit, do të lehtësojë procedurat dhe burokracitë për shtetasit e huaj, mbi çështjen e qëndrimit në Shqipëri.
“Burokracitë janë kthyer në pengesë edhe për investitorët e huaj”, theksoi Çuçi. “Ndaj kemi propozuar këtë ligj, për të adresuar mangësitë e mëparshme”.
Sipas ministrit, përafrimi me legjislacionin e Bashkimit Evropian, ka qenë synim me këtë propozim. Ndaj, e ka specifikuar si një “iniciativë jo të shkëputur” nga Evropa.
Mbi të, janë kryer po ashtu edhe dëgjesa me organizata ndërkombëtare.
Ndër lehtësitë e tjera, do të jetë edhe ajo e vetëaplikimit nga personat, të cilët kanë interes mbi çështjen.
Ligji pritet të kalohet nga Kuvendi në seancën e 24 qershorit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Vizita e Cameron në Tiranë: Fokus emigrantët dhe plani për gjyqësorin
-
SPAK goditi 7 grupe kriminale, GJKKO konfirmon masat arrest në burg për 9 të arrestuar
-
A mundet Netanyahu të pengojë zgjedhjet e parakohshme dhe një strategji për Gazën?
-
De Rui: Drafti i Lajçakut të dërgohet në Gjykatën Kushtetuese
