Dy ndeshjet e luajtura në Premier League ishin interesante, ku njëra përfundoi me shume gola dhe tjetra pa asnjë.
Dueli mes Leicester dhe Newcastle përfundoi me fitoren e këtyre të parëve me rezultat 4:0.
Ndeshja ishte e baraspeshuar në baza statistikore, por rezultati përfundimtar thotë ndryshe.
Goli i parë i Leicester erdhi pak para fundit të pjesës së parë, në minutën e 38-të nga pika e bardhë e penalltisë, të cilën e shënoi Yuri Tielemans.
Në pjesën e dytë, në minutën e 57-të, Patson Daka shënoi për të dyfishuar epërsinë për Leicester.
Në minutën e 81-të, Leicester shënoi përsëri me anë të Tielemans.
Për të përmbyllur ndeshjen u përkujdes James Maddison, i cili shënoi golin e katërt në minutën e 85-të.
Leicester radhiten në pozitën e tetë me 22 pikë, ndërsa Newcastle janë në vendin e 19-të me 10 pikë.
Ndeshja tjetër mes Burnley-t dhe West Ham përfundoi me rezultat të barabartë 0:0.
West Ham ishte dominante ndaj vendasve, por londinezët nuk i shfrytëzuan rastet e tyre.
West Ham ndodhet ende në pozitën e katërt ku ka 28 pikë, ndërsa Burnley është në vendin e 18-të me 11 pikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Cameron në Shqipëri, shpalos programin për të luftuar korrupsionin dhe krimin e organizuar
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Tani Netanyahu është i rrethuar nga gjeneralët dhe vendi është me Ushtrinë
-
Nënsekretarja amerikane: Me Osmanin diskutuam për udhëtimin euroatlantik të Kosovës përmes Asociacionit
