Lazio identifikon katër zëvendësues për Immobile-n

Ciro Immobile pritet të largohet nga Lazio gjatë verës, duke bërë që klubi të rreshtojë katër zëvendësues të mundshëm për sulmuesin veteran.

Sulmuesi 34-vjeçar nuk ka pasur një sezon të lehtë në kryeqytetin italian, duke arritur vetëm gjashtë gola në 28 paraqitje në Serie A, shumë më poshtë standardeve të tij të zakonshme në ligë.

Ai ka luftuar formën fizike dhe formën e dobët në fushë, duke bërë që besimi të bjerë te mbështetësit.

Ndërsa Immobile ka qenë në rënie për Lazio-n këtë sezon, opsioni rezervë Valentin Castellanos ka filluar të dëshmojë veten si një shtesë interesante në skuadër, duke marrë vendin e fillimit nën drejtimin e trajnerit të ri Igor Tudor.

Gazetari Daniele Longo i “Calciomercato.com” tregon se si Lazio ka filluar të hartojë një listë të zëvendësuesve të mundshëm për Immobile-n gjatë verës, të vetëdijshëm se 34-vjeçari ka të ngjarë të largohet mes interesimit nga Arabia Saudite.

Opsioni i preferuar i Tudor është Giovanni Simeone i Napoli-t, të cilin ai e njeh mirë nga koha e tyre së bashku te Hellas Verona, por çmimi i tij prej 20 milionë euro mund t’i shtyjë bardhekaltërit të kërkojnë diku tjetër.

Opsione të tjera për t’iu bashkuar sulmit barhdekaltër përfshijnë Boulaye Dia të Salernitana-s, Fotis Ioannidis të Panathinaikos dhe Vangelis Pavlidis të AZ Alkmaar.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.