Komisioni Qendror i Zgjedhjeve (KQZ), ka bërë të mërkurën tërheqjen e shortit për renditjen e subjekteve politike në fletëvotimin e zgjedhjeve lokale që do të mbahen më 17 tetor 2021.
Numrat që janë tërhequr kanë filluar nga 101 deri në 189.
Kryetari i KQZ-së, Kreshnik Radoniqi tha se në mbarëvajtjen e këtij procesi zgjedhor rol të madh luajnë edhe subjektet politike.
“Zgjedhjet e lira demokratike duke respektuar Kushtetutën dhe ligjet në fuqi duhet të jenë qëllimi i jonë i përbashkët. Duhet të tregojmë shembullin tonë në organizimin e lirë dhe demokratik të këtyre zgjedhjeve”, u shpreh Radoniqi.
Po ashtu, Radoniqi shtoi se po punojnë intensivisht për mbajtjen e zgjedhjeve lokale të 17 tetorit.
“Komisioni Qendror ka disa javë që po punon me intensitet të lartë për datën e 17 tetorit. Duke parë rëndësinë e këtyre zgjedhjeve e në anën tjetër edhe situatën pandemike po mundohemi që të punojmë në këtë drejtim dhe të organizojmë zgjedhjet brenda kornizave ligjore”, tha ai.
Më poshtë keni renditjen e partive politike në fletëvotim për zgjedhjet lokale:
Aleanca për Ardhmërinë e Kosovës (AAK)- 121
Lëvizja Vetëvendosje (LVV)- 144
Lidhja Demokratike e Kosovës (LDK)-
Partia Demokratike e Kosovës (PDK)- 177
Nisma Socialdemokrate- 119
Aleanca Kosova e Re (AKR)- 149
Po ashtu, zgjedhjet lokale që do të mbahen me 17 tetor të këtij viti, kanë një periudhë prej 30 ditësh për fushatën zgjedhore të subjekteve politike.
Afati i fushatave zgjedhore do të fillojë me 16 shtator dhe do të zgjasë deri më 15 tetor, mirëpo shkaku i pandemisë COVID-19 ende nuk dihet se si do të zhvillohen këto fushata zgjedhore nga partitë politike.
Për pjesëmarrje në zgjedhjet lokale që do të mbahen më 17 tetor kanë aplikuar 94 subjekte politike, prej tyre, 32 parti, një koalicion, 35 iniciativa qytetare dhe 26 kandidatë të pavarur.
Numri i përgjithshëm i kandidatëve që kanë aplikuar është 4 mijë e 920, prej tyre 165 për kryetarë komunash dhe 4 mijë e 757 për kuvende komunale.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osmani uron Plenkoviç-in për rizgjedhjen e tij si Kryeministër i Kroacisë
-
Kush janë hebrenjtë ultraortodoksë dhe pro-palestinezë?
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
Gantz: Kërkojmë një plan për Gazën deri më 8 qershor ose do të largohemi nga qeveria
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit