“Objektivi ynë është ta vendosim yllin e dytë në fanellë”, kështu ka thënë kapiteni i Milan-it Davide Calabria, i cili gjendet me skuadrën e tij në Abu Dhabi për turneun para-sezonal.
Skuadrat që kanë 20 e më shumë tituj kampionë në Itali e vendosin yllin e dytë në fanellën e tyre, mbi logo, derisa Calabria shpreson që Milan-i ta fitojë edhe këtë sezon Scudetto-n, në mënyrë që ata t’i bëjnë 20 trofe.
“Do të jetë më e vështirë se sezonin e kaluar, megjithatë ai mbetet objektivi ynë”, shtoi mbrojtësti anësor.
Calabria që një kohë të gjatë është një mungesë e madhe për Milan-in, që prej se u dëmtua më 1 tetor në sfidën kundër Empol-it.
Flitej se ai mund edhe ta humbiste sezonin, por tani duket se është gatë për një rifillim me ekipin e tij.
“Jam rikuperuar nga lëndimi, nuk e prisja që do të filloja kaq shpejt. Shpresoj të shkoj gjithçka mirë”, shtoi mbrojtësi italian.
26-vjeçari foli edhe për kampionatin italian që është duke u zhvilluar momentalisht, derisa shtoi se Napoli e befasoi atë.
“Nuk e prisja një Napoli kaq të fortë, ata po bëjnë një kampionat të jashtëzakonshëm, janari do të jetë thelbësor, kanë shumë përballje të vështira. Megjithatë, qëllimi ynë mbetet i njëjtë: të fitojmë”, tha mes tjerash Calabria.
Kujtojmë që ai është një ndër pikat më të rëndësishme të trajnerit të kuqezinjve, Stefano Pioli-t.
Ai është një futbollist që luan më së shumti gjatë secilës ndeshje. Te Milan-i shpresojnë që ai të rikthehet në formën e mëparshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit