Gazetari i gazetës gjermane, Die Tageszeitung, Erich Rathfelder, në artikullin e tij të fundit ka argumentuar se plani i Shteteve të Bashkuara të Amerikës për Gadishullin Ballkanik është ndarja e tij në tri zona të influencës – shqiptare, serbe dhe kroate, raporton mediumi nga Bosnja e Hercegovina, Klix.ba.
Sipas tij strategjia aktuale e komunitetit ndërkombëtar në Ballkan po përmbyset meqë SHBA-të dhe Bashkimi Evropian, nga njëra anë po mbështesin luftën e ukrainasve për vlerat demokratike dhe perëndimor dhe nga ana tjetër, ata po pranojnë pozicione etno-nacionaliste në Ballkan, duke shpresuar të kufizojnë ndikimin e Rusisë.
“Për një kohë të gjatë, strategjia perëndimore ishte demokratizimi i vendeve të Ballkanit Perëndimor dhe futja e tyre në komunitetin e vlerave të BE-së. Sipas disa kritikëve amerikanë, kjo është braktisur”, shkruan gazeta duke cituar tezën e politologut Janusz Bugajski, i cili vlerëson se “demokratizimi i shoqërive, ballafaqimi me të kaluarën dhe të drejtat e njeriut në fund të fundit nuk luajnë më asnjë rol”.
Artikulli më tej vazhdon duke cituar ekspertin e Ballkanit Perëndimor, Bugajski, i cili argumenton se SHBA-të dhe BE-ja tani po punojnë për një marrëveshje me forcat etno-nacionaliste në Ballkan dhe po braktisin qëndrimet e tyre të mëparshme pro-perëndimore dhe demokratike.
“Në lidhje me luftën në Ukrainë, në Uashington shpresojnë ta tërheqin presidentin autokratik të Serbisë, Aleksandar Vuçiç, në anën e Perëndimit”, shkruan më tej gazeta.
SHBA-ja dhe BE-ja, argumenton më tej artikulli, thjesht e pranuan faktin se në Mal të Zi pas zgjedhjeve të fundit janë forcuar forcat pro-serbe dhe për rrjedhojë pro Putin.
“Në Bosnje dhe Hercegovinë, rezistenca ndaj Milorad Dodik, i cili shpesh vepron hapur si mik i Putinit, është dobësuar”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Leonarda Cianciulli, sapunbërësja e Corregios: Kam prerë tre gra në copa, ishin sakrifica njerëzore për të më mbrojtur nga një mallkim
-
Një goditje dërrmuese për Izraelin dhe një bast masiv nga ICC-ja
-
Diplomati i lartë izraelit i kërkon AIPAC që të marrë ‘hapa dramatikë’ kundër ICC-së
-
Gjermania thotë se respekton ICC-në, por se Izraeli ka të drejtë të mbrojë veten