Revista satirike franceze “Charlie Hebdo” ka ngjallur zemërim në mediat sociale pasi publikoi një karikaturë që duket se tregonte tërmetin me magnitudë 7.8 që vrau mijëra në Turqi dhe Siri.
Vizatimi i artistit, Pierrick Juin, tregonte ndërtesa të rrënuara me mbishkrimin: Nuk ka nevojë të dërgohen tanke.
Përdoruesit e mediave sociale thanë se karikatura tallte tragjedinë që preku miliona njerëz në dy vende dhe e quajtën vizatimin “të neveritshëm”, “të turpshëm”, “revoltues” dhe të ngjashëm me “gjuhën e urrejtjes”.
✏️Le dessin du jour, par #Juin pic.twitter.com/kPcEqZDocO
— Charlie Hebdo (@Charlie_Hebdo_) February 6, 2023
Një grua me emrin Sara Assaf u përgjigj duke thënë se po tërhiqte mbështetjen e saj për revistën.
“Je ne suis plus Charlie (Unë nuk jam më Charlie)”, shkroi ajo, duke iu referuar sloganit “Je suis Charlie” (Unë jam Charlie) të miratuar nga mbështetësit e medias pas sulmit të 7 janarit 2015 në zyrën e tyre.
Atë ditë, dy vëllezër që pretendonin se ishin të lidhur me Al-Qaedan hapën zjarr në selinë e Parisit të së përjavshmes satirike franceze, duke vrarë 12 persona si hakmarrje për paraqitjet vizatimore të profetit të Islamit Muhamed.
Sulmi shkaktoi një shpërthim global solidariteti me Francën, si dhe një debat mbi atë se çfarë përbënte lirinë e fjalës.
“Ne ishim me ju gjatë dhimbjeve tuaja. Është një fatkeqësi për njerëzimin ajo që po kalojmë tani!”, tha një përdorues.
Studiuesi mysliman amerikan, Omar Suleiman, theksoi se, “tallja me vdekjen e mijëra myslimanëve është kulmi i mënyrës se si Franca na ka çnjerëzuar në çdo mënyrë”.
“Tanks are no longer needed” they say in celebration.
What a despicable publication. Always has been. Mocking the death of thousands of Muslims is the peak of how France has dehumanized us in every way.
And the crazy thing is that we can’t even say this is a new low for you. https://t.co/8jWYhlCzvk
— Dr. Omar Suleiman (@omarsuleiman504) February 7, 2023
Disa përdorues vunë re se si turqit kishin organizuar marshime mbështetjeje pas sulmit të vitit 2015, duke u mbledhur pas fushatës “Je suis Charlie”, vetëm për t’u shpërblyer me atë që shumë e panë si përbuzje.
Analistja politike, Öznur Küçüker Sirene, iu drejtua revistës në një postim në Twitter.
“Edhe turqit ishin ‘Charlie Hebdo’ për të ndarë pikëllimin tuaj dhe sot ju guxoni talleni me vuajtjet e një populli të tërë. Njeriu duhet të ketë vërtet pak nerva për ta bërë këtë, ndërsa ka ende foshnja që presin të shpëtohen nën rrënoja”.
Même les Turcs avaient été "Charlie Hebdo" pour partager votre douleur et aujourd'hui vous osez vous moquer de la souffrance d'un peuple en entier. Il faut vraiment avoir du culot pour faire ça alors qu'il y a encore des bébés qui attendent du secours sous les décombres.
— Öznur Küçüker Sirene (@SireneOznur) February 7, 2023
Një përdorues tha se pamja shfaq “shpirtin e vërtetë” të “Charlie Hebdo”, ndërsa një tjetër tha se “burimi i vetëm i të ardhurave për këtë gazetë është islamofobia”.
Disa mbështetës të “Charlie Hebdo” u përpoqën të mbronin komiken, duke e quajtur atë “satirë” dhe kishte nevojë për “kontekst”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osmani uron Plenkoviç-in për rizgjedhjen e tij si Kryeministër i Kroacisë
-
Kush janë hebrenjtë ultraortodoksë dhe pro-palestinezë?
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
Gantz: Kërkojmë një plan për Gazën deri më 8 qershor ose do të largohemi nga qeveria
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit
