Është mbledhur në Athinë, Forumi i Miqësisë, me pjesëmarrjen e përfaqësuesve evropianë dhe të botës arabe.
Franca, Greqia, Qipro, Egjipti, Iraku, Arabia Saudite, Bahreini, Jordania dhe Emiratet e Bashkuara Arabe, të gjitha nën një strehë, me qëllim zgjidhjen e çështjeve diplomatike, ekonomike dhe menaxhimin e Covid-19.
Ishte kryeministri grek, Kyriakos Mitsotakis, i cili mirëpriti ministrat e jashtëm të këtyre vendeve.
Ndër të tjera, u përmend edhe problemi shumëvjeçar i Qipros dhe kufijtë detarë Turqi-Greqi. Kryeministri grek ritheksoi faktin se “Greqia është e përkushtuar të zbatojë ligjin ndërkombëtar të detit, paqes, sigurisë dhe fqinjësisë së mirë”.
Por, nga ana tjetër, pala turke nuk ishte e ftuar në këtë forum. Mitsotakis-i, sqaroi se Forumi i Miqësisë “është i hapur për të gjithë, si organizëm që bashkon tre kontinente”. Ky, është një mesazh i qartë ndaj Turqisë, për t’u ulur në tryezë.
Partneriteti midis vendeve pjesëmarrëse, lidhet me shumë çështje, përfshi lidhjet tregtare të Mesdheut, Detit të Kuq dhe Gjirit Persik.
Përsa i përket çështjeve të Covid-19, u theksuan vlerat e Kombeve të Bashkuara dhe trajtimin e njëjtë për çdo vend. Kjo, si nga aspekti i ndihmave ekonomike, ashtu edhe nga ato mjekësore.
Nëse raportet diplomatike midis vendeve do të forcohen, ky mund të jetë edhe një mesazh i fshehur për çështjen e Libisë. Fronti i mbledhur në Forumin e Miqësisë, mbështet Komandantin e Ushtrisë së Libisë, Khalifa Haftar.
Nga ana tjetër, fronti OKB-SHBA-Turqi, mbështet qeverinë e Fayez al-Sarraj.
Ky forum, mund të jetë një mesazh i drejtpërdrejtë ndaj çështjes së Libisë, mesazh, i cili përcjell unitetin e këtyre vendeve, për çështje të caktuara.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Perez: Orbani do të sakrifojë Kosovën për të mbajtur afër Serbinë
-
Helikopteri i presidentit iranian pëson ‘ulje të vështirë’
-
Forca Detare shqiptare dërgon anijen e dytë në operacionet e NATO-s
-
Boja që fshihet, sondazhet e rreme dhe mashtrimet: Frika e BE-së ndërsa propaganda ruse synon zgjedhjet evropiane
Lajmet kryesore
-
Boja që fshihet, sondazhet e rreme dhe mashtrimet: Frika e BE-së ndërsa propaganda ruse synon zgjedhjet evropiane
-
SPAK goditi 7 grupe kriminale, GJKKO konfirmon masat arrest në burg për 9 të arrestuar
-
Forca Detare shqiptare dërgon anijen e dytë në operacionet e NATO-s
-
De Rui: Drafti i Lajçakut të dërgohet në Gjykatën Kushtetuese