Djali i bosit të drogës Joaquín El Chapo Guzmán është deklaruar i pafajshëm për akuzat për trafik droge dhe pastrim parash në SHBA.
Ovidio Guzmán, 33 vjeç, u ekstradua nga Meksika në SHBA të premten.
Arrestimi i tij në janar u shndërrua në një përplasje të përgjakshme midis forcave të sigurisë dhe anëtarëve të kartelit, ku u vranë 30 persona.
Babai i tij, i cili ishte një nga themeluesit e kartelit të drogës Sinaloa, po vuan dënimin e përjetshëm në Kolorado.
Ovidio Guzmán, i njohur si El Ratón po përballet me pesë akuza, duke përfshirë komplotin për të importuar fentanil në SHBA.
Në një seancë 15-minutëshe, në të cilën ai foli përmes një përkthyesi, Ovidio Guzmán u deklarua i pafajshëm.
Seanca e radhës është caktuar për në nëntor.
Fentanil, një opioid sintetik që është 50 herë më i fuqishëm se heroina, tani është shkaku kryesor i vdekjes për amerikanët e moshës 18 deri në 49 vjeç.
Teksa ndonjëherë rekomandohet nga mjekët për të trajtuar dhimbjet ekstreme, fentanili i prodhuar ilegalisht ka vërshuar në SHBA dhe ka nxitur një tregti vdekjeprurëse të opioidit.
Mbidozimet e fentanilit janë përshkruar si |sfida e vetme më e madhe me të cilën përballemi si vend” nga Sekretari i Sigurisë Kombëtare të SHBA-ve, Alejandro Mayorkas.
Agjentët e Administratës së Zbatimit të Drogës (DEA) kanë thënë se karteli i drogës Sinaloa është burimi i pjesës më të madhe të fentanilit të paligjshëm të kontrabanduar në SHBA.
Që nga arrestimi i El Chapo në vitin 2016 dhe ekstradimi i tij i mëvonshëm në SHBA, katër nga djemtë e tij dyshohet se morën role kryesore në kartel.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Historia e pabesueshme e ishullit të paarritshëm dhe dy vëllezërit që jetuan atje për dy vjet
-
Njohja e pavarësisë së Kosovës nga Mali i Zi, Vuçiç: E shkeli Serbinë
-
Polonia do të shpenzojë 2.3 miliardë euro për sigurinë e kufirit me Rusinë dhe Bjellorusinë
-
Përshtatën magazinën për kultivimin e kanabisit, pranga pronarit dhe drejtorit të OSHE-së
Lajmet kryesore
-
Cameron në Shqipëri, shpalos programin për të luftuar korrupsionin dhe krimin e organizuar
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Polonia do të shpenzojë 2.3 miliardë euro për sigurinë e kufirit me Rusinë dhe Bjellorusinë
-
Nënsekretarja amerikane: Me Osmanin diskutuam për udhëtimin euroatlantik të Kosovës përmes Asociacionit