Ministri i Financave, Punës dhe Transfereve, Hekuran Murati, ka thënë se buxheti i komunave për vitin 2024 arrin në 742 milionë euro.
Përmes një postimi në llogarinë e tij në Facebook, Murati theksoi se të mërkurën kanë dorëzuar qarkoren e dytë për buxhetin komunal për vitin 2024, “e cila parasheh që buxheti i komunave të rritet në 742.3 milionë euro”.
“Po bëhet tashmë viti i dytë radhazi që rritja e buxhetit është në përqindje dyshifrore krahasuar me vitin paraprak. Në vlerë absolute, buxheti i vitit 2024 rritet për gati 90 milionë euro krahasuar me vitin 2023”, potencoi ai.
Kurse, pohoi ai, “nga fillimi i mandatit, për tri vite, buxheti vjetor i komunave është rritur për 195 milionë euro më shumë”.
Këtë ai e paraqiti si sukses të qeverisë “në menaxhimin më të mirë të financave publike dhe në mbledhjen e të hyrave përkthehet në buxhet më të lartë për komunat”.
Ndryshe, opozita vazhdimisht e ka kritikuar qeverinë e udhëhequr nga Albin Kurti, për mënyrën e menaxhimit të financave publike, mungesën e investimeve kapitale, por edhe për politikat ekonomike në përgjithësi të këtij ekzekutivi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osmani uron Plenkoviç-in për rizgjedhjen e tij si Kryeministër i Kroacisë
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
Osmani takon të dielën Nënsekretaren Allen, nënshkruajnë marrëveshje kundër manipulimit të informacionit
-
Deklarata e Kurtit për 78 mijë vende të reja pune, Tahiri: Lëri përrallat, stop abuzimit me shifra imagjinare
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit
