Basha uron pavarësinë e Kosovës me një sy nga e ardhmja: Do të ecim vëllazërisht përpara, drejt fatit tonë europian
Kryetari i Partisë Demokratike, Lulzim Basha, ka uruar përmes një statusi ditën e pavarësisë së Kosovës.
“Gëzuar Pavarësinë Kosovë! Gëzuar këtë ditë fatlume shqiptarëve kudo në botë”, pikënis mesazhi i tij.
Kryedemokrati kujton në përvjetorin e 14-të të shtetit të Kosovës, figura si Ibrahim Rugova apo Adem Jashari.
“Përulemi me nderim dhe mirënjohje para Presidentit Ibrahim Rugova, Komandantit Legjendar Adem Jashari, luftëtarëve të Ushtrisë Çlirimtare të Kosovës, veprimtarëve, patriotëve, bijëve dhe bijave të kombit tonë që kanë kryer sakrificën më sublime për pavarësinë”, vijon urimin Basha.
Ai shprehet krenar për arritjet e deritanishme të vendit. Kreu i selisë blu shfaqet shpresëplotë për të ardhmen e Kosovës.
“Do të ecim vllazërisht përpara, drejt fatit tonë europian”, theksoi kryedemokrati.
Shteti më i ri në Evropë, shënjon të mërkurën 14-vjetorin e pavarësisë.
Asambleja shpalli pavarësinë nga Serbia më 17 shkurt të vitit 2008, pavarësisht kundërshtimit nga anëtarët serbë.
Kosova tanimë njihet nga 117 shtete, duke përfshirë Shtetet e Bashkuara, Britaninë, Francën dhe Gjermaninë.
Izraeli u bë shteti i fundit që njohu pavarësinë e saj në vitin 2021.
Serbia, Rusia dhe Kina janë ndër vendet që ende nuk e kanë njohur pavarësinë e Kosovës.
Prishtinës ende sot e kësaj dite i mungon anëtarësimi në OKB për shkak të vetos së Rusisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Dhërmi/ Ranë në kontakt me rrymën elektrike, ndërron jetë pronari i hotelit dhe dy punonjës në gjendje të rëndë
-
Mbi 16 mijë fluturime janë menaxhuar nga Albcontrol në gjysmën e majit
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Hasani nga Estonia: Shqipëria, qëndrim të palëkundur në mbrojtje të Ukrainës
Lajmet kryesore
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Mbi 16 mijë fluturime janë menaxhuar nga Albcontrol në gjysmën e majit
-
Iran, shtatë persona të varur në një ditë – dy prej tyre, gra
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit