Këshilli Kombëtar i Sigurisë dhe Mbrojtjes në Ukrainë ka pezulluar aktivitetet e palëve që kanë lidhje me Federatën Ruse në Ukrainë.
Lajmi u bë i ditur gjatë një video-mesazhi të presidentit ukrainas Volodymyr Zelensky.
Zelensky deklaroi se ky veprim erdhi duke marrë parasysh pushtimin në shkallë të plotë të Rusisë në Ukrainë.
“Aktivitetet e politikanëve që synojnë ndarjen apo bashkëpunimin nuk do të kenë sukses, por do të marrin një përgjigje të ashpër”, tha fillimisht kreu i shtetit ukrainas.
Partitë e pezulluara konkretisht janë: “Platforma opozitare – Për jetë”; “Partia e Sheriatit”; “E jona”; “Blloku opozitar”; “Opozita e Majtë”; “Bashkimi i Forcave të Majtë”; “Shteti”; “Partia Socialiste Progresive e Ukrainës”; “Partia Socialiste e Ukrainës”; “Partia Socialistët”;”Blloku i Vladimir Saldo”.
Ministria ukrainase e Drejtësisë është udhëzuar që menjëherë “të marrë masa gjithëpërfshirëse për ndalimin e veprimtarisë së këtyre partive politike në mënyrën e përcaktuar”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com