Anësori brazilian i Ajax-it, Antony, është bërë pjesë e rëndësishme e formacionit të Erik ten Hag-ut. Ai ka spostuar në stol, talentin dhe bashkëkombësin e tij, David Neres-in.
Siç raportohet nga gazetari sportiv, Bruno Andrade, i gazetës braziliane “UOL Esporte”, Bayern Munich-u, Barcelona dhe Real Madrid-i janë futur në garë për shërbimet e 21-vjeçarit.
Që nga ardhja e tij në Amsterdam, para një viti nga skuadra e Sao Paulo-s, ai është përfshirë në formacion, duke krijuar tridentin me Dusan Tadic-in dhe Sebastien Haller-in.
Holandezët kërkojnë rreth 40 milionë euro për brazilianin.
Për transferimin e tij u investua pothuajse gjysma e kësaj shume.
Bayern-i e shikon 21-vjeçarin si zëvendësuesin e Kingsley Coman-it. Francezi ka disa sezone të shoqëruar me dëmtime të shpeshta dhe nuk ofron garanci fizike.
Te Barcelona shihet si zëvendësuesi i Ousmane Dembele-s. Dembele nuk ka nënshkruar kontratën e re në “Camp Nou” dhe, në fund të sezonit, pritet të largohet me kosto zero.
Real Madrid-i kërkon të krijojë ekipin e të ardhmes, të mbushur me talentet më të mirë në qarkullim dhe Antony është një prej tyre.
Ai do të formonte tridentin me Vinicius Junior-in dhe Kylian Mbappe-n që synon Real-i.
Antony ka realizuar 12 gola dhe ka dhuruar 12 asiste në 53 paraqitje me Ajax-in, në të gjitha kompeticionet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit
