Largimi i Lionel Messi-t nga Barcelona ka trazuar jo pak ujërat në “Camp Nou”. Sergio Aguero, një nga afrimet e kësaj vere te Barcelona, po mendon largimin nga klubi pa bërë asnjë ndeshje zyrtare.
Aguero u transferua nga Manchester City me parametra zero pasi përfundoi kontratën me anglezët. Ai u afrua në “Camp Nou” me preteksin se do të luante së bashku me Messi-n, shokun e skuadrës te Kombëtarja e Argjentinës.
Tashmë që Messi u largua dhe duket pranë kalimit te PSG-ja, Aguero është zemëruar me Barcelona-n dhe po mendon të ardhmen, raporton gazeta e përditshme spanjolle “AS”.
Ish-lojtari i City-t ka udhëzuar avokatët e tij të analizojnë kontratën që ka nënshkruar me Barcelona-n pak javë më parë.
Në krahun tjetër, problemet e Barcelona-s nuk kanë fund, pasi ata përveç largimit të Messi-t duhet të shkurtojnë pagat në mënyrë që të arrijnë nivelin e përcaktuar nga La Liga dhe të regjistrojnë lojtarët e afruar këtë verë, ku mes tyre edhe Aguero-n.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit