Në vetëm dy javë, 24 rinocerontë u vranë në Afrikën e Jugut, konfirmoi Ministria e Mjedisit.
Shtatë kufoma thuhet se janë gjetur në Parkun Kombëtar Kruger, shtatë të tjerë në provincën Mpumalanga, gjashtë në KwaZulu-Natal dhe katër në Kepin Perëndimor.
Ministria e Mjedisit në Afrikë, dënoi gjuetinë e vazhdueshme të rinocerontëve për shkak të brirëve të tyre, duke deklaruar se nëntë gjuetarë të dyshuar u arrestuan në 14 ditët e para të dhjetorit.
Afrika e Jugut është shtëpia e pothuajse 80 përqind e popullsisë së rinocerontëve afrikanë.
Qindra vriten çdo vit për shkak të brirëve – dhe tregu më i madh është Azia, ku briri i rinocerontit është një përbërës në mjekësi dhe ilaçe bimore.
Departamenti i Mjedisit ka njoftuar se në fillim të vitit të ardhshëm do të publikojë të dhëna për numrin total të rinocerontëve të vrarë gjatë vitit 2021.
Ndërkaq, organizata të shumta të mbrojtjes së kafshëve janë veprim të drejtpërdrejtë që të mbrojnë rinocerontet – një nga speciet më të rrezikuara në tokë.
Rinocerontët kanë banuar në kontinentin afrikan për më shumë se një milion vjet dhe ata luajnë një rol të madh në ekosistemin e tyre. Tregtia ilegale me pluhurin e bërë nga brirët e tyre, i cili në disa vende të Azisë ende konsiderohet si ilaç ose thjesht një simbol i pasurisë, pothuajse shkaktoi zhdukjen e rinocerontëve afrikanë.
Në vitin 1875, ende më shumë se 1 milion rinocerontë jetonin në kullotat e gjera të Afrikës. Sot popullata e dy llojeve të rinocerontit të zi dhe rinocerontit të bardhë vlerësohet të përmbajë përkatësisht rreth 5 mijë – 20 mijë kafshë. Vrasja e pakuptimtë vazhdon. Që nga viti 2007, numri i rinocerontëve të gjuajtur pa leje në Afrikë është rritur me pothuajse 9.00 përqind.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Leonarda Cianciulli, sapunbërësja e Corregios: Kam prerë tre gra në copa, ishin sakrifica njerëzore për të më mbrojtur nga një mallkim
-
Një goditje dërrmuese për Izraelin dhe një bast masiv nga ICC-ja
-
Diplomati i lartë izraelit i kërkon AIPAC që të marrë ‘hapa dramatikë’ kundër ICC-së
-
Gjermania thotë se respekton ICC-në, por se Izraeli ka të drejtë të mbrojë veten