Shefi i Zyrës së Bashkimit Evropian në Kosovë, Tomas Szunyog, këtë të marte, ka takuar Guvernatorin e Bankës Qendrore të Kosovës, Ahmet Ismailin, ku ndër temat e diskutuara ka qenë vendimi i fundit i këtij institucioni financiar, i cili vendosi se pagesat në Kosovë mund të bëhen vetëm me valutën Euro gjë që nga autoritete në Serbi një vendim i tillë u interpretua se gjoja Qeveria po ndalon përdorimin e valutës shtetërore serbe, Dinarin, në Kosovë gjegjësisht në komunat të banuara me shumicë serbe.
Përmes një postimi në llogarinë e tij në, X, diplomati çek pas takimit ka shprehur shqetësimet e tij, meqë siç ka konsideruar ai, “është paraparë shumë pak kohë që serbët të adaptohen me vendimin e këtij institucioni”.
Vendimi i BQK-së pritet të hyjë në fuqi më 1 shkurt të këtij viti.
“E pyeta se si do të zbatohet, pasi pritet të ndikojë veçanërisht në jetën e qytetarëve në zonat me shumicë serbe. Shpreha shqetësimin për faktin se ka shumë pak kohë për përshtatje para hyrjes në fuqi të rregullores”, ka shkruar Szunyog.
Met the Governor of #Kosovo's Central Bank, Ahmet Ismaili & discussed the amended regulation on Cash Operations, which also regulates the process of handling and withdrawal from circulation of euro banknotes and coins and other currencies suspected of being counterfeit (1/2). pic.twitter.com/J2iKqM8BX8
— Ambassador Tomáš Szunyog (@EUAmbKS) January 23, 2024
Ndryshe Beogradi, siç ka njoftuar i ashtuquajtur drejtori i Zyrës për Kosovën në Qeverinë e Serbisë, Petar Petkoviç, ka filluar bisedimet diplomatike për të parandaluar vendimin e BQK-së, e cila vendosi se pagesat në Kosovë mund të bëhen vetëm me valutën Euro dhe asnjë valutë tjetër.
Kundër vendimit të BQK-së u shpreh edhe Lista Serbe. Kjo parti, më 18 janar tha se ky vendim i shërben dëbimit të serbëve nga këto zona pa përdorimin e armëve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vizita e Cameron në Tiranë: Fokus emigrantët dhe plani për gjyqësorin
-
Allen pas takimit me Kurtin: Të zbatohen të gjitha marrëveshjet që kanë bërë Kosova dhe Serbia
-
Kryeministri sllovak jashtë rrezikut për jetën, por mbetet në terapi intensive
-
Të hënën arrin në Kosovë kontingjenti i 41-të i ushtarëve kroat në kuadër të KFOR-it
Lajmet kryesore
-
Vizita e Cameron në Tiranë: Fokus emigrantët dhe plani për gjyqësorin
-
Emigrantët, gjysma e BE-së kërkon të ndjekë modelin e Shqipërisë me Italinë
-
Kryeministri sllovak jashtë rrezikut për jetën, por mbetet në terapi intensive
-
Allen pas takimit me Kurtin: Të zbatohen të gjitha marrëveshjet që kanë bërë Kosova dhe Serbia